sovitus
| Secondary Keywords | Aaron dugo ilang kaban kultaa kultaa Liitto lino mataas pagpapakasakit pagsisisi pari santuwaryo tabernakulo templo valkoinen valkoinen valkoinen |
|---|---|
| Mga Banal na Kasulatan | Exodus 30:10 Hebrews 10:1-14 Hebrews 9 Hebrews 9:22 Leviticus 16:32-34 Leviticus 17:11 Leviticus 23:26-32 Exodus 3010 At si Aaron ay tutubos ng sala sa ibabaw ng mga anyong sungay ng dambana, minsan sa isang taon: kaniyang tutubusin sa sala na minsan sa isang taon, ng dugo ng handog dahil sa kasalanan, sa buong panahon ng inyong mga lahi: kabanal-banalan nga sa Panginoon. Hebrews 101 Dahil ang kautusan, na may isang anino ng mabubuting bagay na darating at hindi mismo ang wangis ng mga bagay, ay hindi kailanman nakapagpaging-ganap sa kanila na lumalapit at patuloy na naghahandog ng gayunding mga hain bawat taon. 2 Yamang gayon, hindi ba dapat itinigil na ang paghahandog sa mga ito? Sapagkat sila na mga naglilingkod sa Diyos na nalinis nang minsan ay wala nang pagkabagabag pa ng mga kasalanan, 3 ngunit sa pamamagitan ng mga haing iyon sa bawat taon ay ang pag-alaala ng mga kasalanan 4 sapagkat ang dugo ng mga toro at ng mga kambing ay hindi makakayang mag-alis ng mga kasalanan. 5 Dahil dito, nang dumating siya sa sanlibutan ay sinabi niya, “Hindi mo ibig ang hain at handog, ngunit ikaw ay naghanda ng katawan para sa akin. 6 Hindi ka nalugod sa mga susunuging-handog at sa hain para sa mga kasalanan. 7 Pagkatapos nito ay sinabi ko, ‘Narito, ako ay dumarating (sa balumbon ng aklat na nasusulat patungkol sa akin) upang gawin ang iyong kalooban, O Diyos.’ ” Awi 40:6-8 8 Sa itaas ay kaniyang sinabi, “Ang hain at handog, ang mga susunuging-handog at hain para sa kasalanan ay hindi mo ibig at hindi mo kinalugdan” (na inihahandog ayon sa kautusan), 9 pagkatapos ay sinabi niya, “Tingnan mo, ako ay dumarating upang gawin ang iyong kalooban, O Diyos.” Inaalis niya ang una upang maitatag niya ang ikalawa. 10 Sa pamamagitan ng kaloobang iyon ay pinaging-banal tayo sa pamamagitan ng minsanang paghandog ng katawan ni Jesu-Cristo. 11 At ang bawat saserdote nga ay tumatayo araw-araw sa paglilingkod at sa palagiang paghahandog ng gayunding mga hain na kailanman ay hindi makakayang mag-alis ng mga kasalanan. 12 Ngunit si Cristo, pagkatapos siyang maghandog ng isang hain magpakailanman para sa mga kasalanan, ay umupo sa bahaging kanan ng Diyos. 13 Mula sa panahong iyon, siya ay naghihintay hanggang sa ang kaniyang mga kaaway ay mailagay na tuntungan ng kaniyang mga paa. 14 At sa pamamagitan ng isang handog ay kaniyang pinaging-ganap magpakailanman yaong mga pinapaging-banal. Hebrews 91 Ngayon nga, kahit ang naunang tipan ay nagkaroon ng mga alituntunin sa pagsamba sa Diyos at panlupang banal na dako. 2 Sapagkat naitayo ang tabernakulo, ang tinatawag na banal na dako, kung saan ay nasa unang silid ang kandelero at ang mesa at ang mga tinapay na handog. 3 At sa likuran ng tabing ay ang ikalawang silid ng tabernakulo, ang tinatawag na Kabanal-banalang Dako 4 na mayroong isang gintong dambana ng insenso at kaban ng tipan na ang bawat bahagi ay nabalutan ng ginto, na kinaroroonan ng sisidlang ginto na ang nilalaman ay ang manna at ang umusbong na tungkod ni Aaron at ang mga tapyas na bato ng tipan, 5 at sa ibabaw nito ay mga kerubin ng kaluwalhatian na lumililim sa luklukan ng kaawaan, patungkol sa mga bagay na ito, sa ngayon ay hindi natin masabi nang isa-isa. 6 At nang naihanda ang mga bagay na ito sa ganitong paraan, ang mga saserdote nga ay palagi nang pumapasok sa unang silid ng tabernakulo sa pagsasagawa ng mga paglilingkod sa Diyos. 7 Ngunit ang pinakapunong saserdote lang ang pumapasok sa ikalawang silid minsan sa isang taon, na palaging may dalang dugo na kaniyang inihahandog alang-alang sa kaniyang sarili at sa mga nagawang kamalian ng bayan na hindi nila nalalaman. 8 Sa ganitong paraan ay ipinakita ng Banal na Espiritu na ang daang patungo sa banal na dako ay hindi pa naihayag habang nakatayo pa ang unang silid ng tabernakulo 9 na isang talinghaga para sa kasalukuyang panahon, kung saan ang mga kaloob at mga hain na inihahandog ay hindi makapagpaging-ganap ayon sa budhi ng isang naglilingkod sa Diyos, 10 na nakabatay lamang sa mga pagkain at sa mga inumin at sa iba't ibang paraan ng paghugas at sa mga alituntunin ng laman na ipinapatupad sa kanila hanggang sa panahon ng pagbabago. 11 Ngunit nang dumating si Cristo, na pinakapunong saserdote ng mabuting mga bagay na darating, sa pamamagitan ng lalong dakila at lalong ganap na tabernakulong hindi ginawa ng mga kamay na hindi bahagi ng sangnilikhang ito, 12 ni hindi sa pamamagitan ng dugo ng mga kambing at ng mga guya kundi sa pamamagitan ng kaniyang sariling dugo, siya ay pumasok nang minsanan sa banal na dako pagkatapos niyang ginanap ang walang hanggang katubusan para sa atin. 13 Dahil kung ang dugo ng mga toro at ng mga kambing at ang abo ng dumalagang baka na iwiniwisik sa mga nadungisan ay nagpapaging-banal sa ikalilinis ng laman, 14 gaano pa kayang higit na malilinis ng dugo ni Cristo, na siyang naghandog ng kaniyang sarili na walang kapintasan sa Diyos sa pamamagitan ng walang hanggang Espiritu, ang inyong budhi mula sa mga patay na gawa upang maglingkod sa Diyos na buhay. 15 At dahil dito, siya ang tagapamagitan ng bagong tipan upang sila na mga tinawag ay makatanggap ng pangako ng walang hanggang mana dahil sa kaganapan ng kaniyang kamatayan para sa katubusan ng mga lumabag sa unang tipan. 16 Sapagkat kung saan naroroon ang isang tipan, siya na gumawa ng tipan ay kinakailangang mamatay 17 dahil ang tipan ay may bisa pagkamatay ng mga tao yamang ito ay walang bisa habang nabubuhay pa ang taong gumawa ng tipan. 18 Kaya, kahit ang unang tipan ay hindi naitalaga na walang dugo. 19 Sapagkat nang naipahayag ni Moises sa buong bayan ang bawat tuntunin ayon sa kautusan, dinala niya ang dugo ng mga guya at ng mga kambing na may kahalong tubig at ng pulang balahibo ng tupa at sanga ng hisopo at winisikan niya mismo ang aklat ng Kasulatan at ang buong bayan, 20 na sinasabi, “Ito ang dugo ng tipan na iniutos ng Diyos para sa inyo.” Exo 24:8 21 Gayundin naman, winisikan niya ng dugo ang tabernakulo at lahat ng mga sisidlang ginagamit sa paglilingkod. 22 At ayon sa kautusan, halos ang lahat ng mga bagay ay nalilinis sa pamamagitan ng dugo at kung walang pagkabuhos ng dugo ay walang kapatawaran. 23 Kaya nga, ang mga halimbawa ng mga bagay sa kalangitan ay kailangang malinisan ng mga ito, ngunit ang mga makalangit na bagay mismo ay nililinis ng mga haing lalong mabuti kaysa sa mga ito. 24 Sapagkat si Cristo ay hindi pumasok sa banal na dako na ginawa ng mga kamay, na mga totoong larawan niyaong tunay, kundi sa langit mismo upang magpakita ngayon sa harapan ng Diyos alang-alang sa atin, 25 ni hindi upang ihandog niya ang kaniyang sarili nang madalas kung paanong ang pinakapunong saserdote ay pumapasok sa banal na dako sa bawat taon na may dalang dugo ng iba, 26 sapagkat kung gayon ay kinakailangang siya ay maghirap nang madalas mula sa pagkatatag ng sanlibutan. Ngunit ngayon ay minsan lamang siyang nagpakita sa katapusan ng kapanahunan para sa pagpawalang-saysay ng kasalanan sa pamamagitan ng paghahandog ng kaniyang sarili. 27 At kung paanong itinakda sa mga tao ang minsang mamatay at pagkatapos nito ay ang kahatulan, 28 sa gayunding paraan si Cristo na walang kasalanan, nang minsang inihandog upang batahin ang mga kasalanan ng marami sa ikalawang pagkakataon, ay magpapakita sa kanila na mga naghihintay na may pananabik sa kaniya para sa kaligtasan. Hebrews 922 At ayon sa kautusan, halos ang lahat ng mga bagay ay nalilinis sa pamamagitan ng dugo at kung walang pagkabuhos ng dugo ay walang kapatawaran. Leviticus 1632 At ang saserdote na papahiran at itatalaga upang maging saserdote na kahalili ng kaniyang ama, ay siyang tutubos at magsusuot ng mga kasuutang lino, na mga banal ngang kasuutan: 33 At tutubusin niya ang banal na santuario, at tutubusin niya ang tabernakulo ng kapisanan, at ang dambana; at tutubusin niya ang mga saserdote at ang buong bayan ng kapisanan. 34 At ito'y magiging palatuntunang walang hanggan sa inyo; na tubusin ang mga anak ni Israel, dahil sa lahat nilang mga kasalanan, ng minsan sa isang taon. At ginawa niya ayon sa iniutos ng Panginoon kay Moises. Leviticus 1711 Sapagka't ang buhay ng laman ay nasa dugo; at aking ibinigay sa inyo sa ibabaw ng dambana upang itubos sa inyong mga kaluluwa: sapagka't ang dugo'y siyang tumutubos dahil sa buhay. Leviticus 2326 At sinalita ng Panginoon kay Moises, na sinasabi, 27 Gayon ma'y sa ikasangpung araw nitong ikapitong buwan ay araw ng pagtubos: magiging sa inyo'y banal na pagpupulong, at papagdadalamhatiin ninyo ang inyong mga kaluluwa; at maghahandog kayo ng handog sa Panginoon na pinaraan sa apoy. 28 At huwag kayong gagawa ng anomang gawa sa araw ding iyan: sapagka't araw ng pagtubos, upang itubos sa inyo sa harap ng Panginoon ninyong Dios. 29 Sapagka't sinomang tao na hindi magdalamhati sa araw ding iyan ay ihihiwalay sa kaniyang bayan. 30 At sinomang tao na gumawa ng anomang gawa sa araw ding iyan ay pupuksain ko ang taong yaon sa kaniyang bayan. 31 Kayo'y huwag gagawa ng anomang gawa: siyang palatuntunan magpakailan man sa buong panahon ng inyong lahi sa lahat ng inyong mga tahanan. 32 Magiging sabbath na takdang kapahingahan sa inyo, at inyong pagdadalamhatiin ang inyong mga kaluluwa sa ikasiyam na araw ng buwan sa hapon, mula sa pagkalubog ng araw hanggang sa muling pagkalubog ng araw ay ipangingilin ninyo ang inyong sabbath. |
