1 Si Pablo, ang apostol ni Jesu-Cristo sa pamamagitan ng kalooban ng Diyos, sa mga banal na nasa Efeso at sa mga tapat kay Cristo Jesus,2 sumainyo ang biyaya at kapayapaang mula sa Diyos na ating Ama at mula sa Panginoong Jesu-Cristo.3 Purihin ang Diyos at Ama ng ating Panginoong Jesu-Cristo, na siyang nagpala sa atin ng bawat pagpapalang espirituwal na nasa kalangitan sa pamamagitan ni Cristo,4 ayon sa pagpili niya sa atin kay Cristo bago pa itinatag ang sanlibutan, upang tayo ay maging mga banal at walang kapintasan sa harapan niya sa pag-ibig.5 Ayon din sa pagkatalaga niya sa atin para sa pag-ampon ng mga anak sa kaniya sa pamamagitan ni Jesu-Cristo, ayon sa mabuting kaluguran ng kaniyang kalooban,6 para sa kapurihan ng kaluwalhatian ng kaniyang biyaya, kung saan tayo ay ginawa niyang katanggap-tanggap sa Minamahal.7 Sa kaniya ay mayroon tayong katubusan sa pamamagitan ng kaniyang dugo at kapatawaran ng mga kasalanan ayon sa kayamanan ng kaniyang biyaya,8 na kaniyang pinasagana para sa atin sa lahat ng karunungan at kaalaman9 pagkatapos niyang ipaalam sa atin ang hiwaga ng kaniyang kalooban, ayon sa kaniyang mabuting kaluguran na kaniyang nilayon sa kaniyang sarili10 upang sa pangangasiwa ng kaganapan ng mga panahon ay mapag-iisa niya ang lahat ng mga bagay kay Cristo, hindi lamang ang mga bagay sa kalangitan kundi kahit ang mga bagay sa lupa.11 Sa kaniya rin ay pinili tayong magkamit ng mana yamang tayo ay naitalaga noong una pa, ayon sa layunin niya na gumagawa ng lahat ng mga bagay ayon sa kapasyahan ng kaniyang kalooban,12 upang tayo na mga naunang nagtiwala kay Cristo ay maging sa kapurihan ng kaniyang kaluwalhatian.13 Sa kaniya rin kayo ay sumampalataya nang narinig ninyo ang salita ng katotohanan, ang ebanghelyo ng inyong kaligtasan. Sa pamamagitan din niya, pagkatapos ninyong sumampalataya, ay tinatakan kayo ng Banal na Espiritu na ipinangako,14 na siyang katiyakan ng ating mana hanggang sa katubusan ng biniling pag-aari, para sa kapurihan ng kaniyang kaluwalhatian.15 Dahil dito, kahit ako, nang aking narinig ang patungkol sa inyong pananampalataya sa Panginoong Jesus at ang pag-ibig ninyo sa lahat ng mga banal,16 ay hindi tumitigil sa pagpapasalamat alang-alang sa inyo sa pagbanggit ko sa inyo sa aking mga panalangin.17 Idinadalangin ko na ang Diyos ng ating Panginoong Jesu-Cristo, ang Ama ng kaluwalhatian, ang siyang magkaloob sa inyo ng espiritu ng karunungan at kapahayagan sa lubos na kaalaman sa kaniya.18 At ang mga paningin ng inyong pang-unawa ay maliwanagan upang malaman ninyo kung ano ang pag-asa ng kaniyang pagtawag, kung ano ang yaman ng kaluwalhatian ng kaniyang pamana sa mga banal,19 at kung ano ang nangingibabaw na kadakilaan ng kaniyang kapangyarihan patungkol sa atin na sumasampalataya. Ayon sa paggawa ng kalakasan ng kaniyang kapangyarihan,20 na kaniyang ginawa kay Cristo nang siya ay ibinangon mula sa mga patay at pinaupo sa kalangitan, sa bahaging kanan ng kaniyang kamay,21 na higit na nakakataas sa bawat pamunuan, kapamahalaan, kapangyarihan, paghahari at sa bawat pangalang ipinangalan, hindi lamang sa kapanahunang ito kundi kahit sa darating pa.22 At ang lahat ay ipinailalim sa kaniyang mga paa at ipinagkaloob sa kaniya na maging ulo ng lahat sa iglesiya,23 na siyang kaniyang katawan, ang kapuspusan niya na pumupuspos sa lahat-lahat.
