18 At isang pinuno ang nagtanong sa kaniya, na sinasabi, “Mabuting Guro, ano ang dapat kong gawin upang ako ay magmamana ng buhay na walang hanggan?”19 At sinabi ni Jesus sa kaniya, “Bakit mo sinasabing ako ay mabuti? Walang sinumang mabuti maliban sa isa, ang Diyos.20 Alam mo na ang mga utos: ‘Huwag kang mangangalunya.’ ‘Huwag kang papatay.’ ‘Huwag kang magnanakaw.’ ‘Huwag kang magbibigay ng maling patotoo.’ ‘Igalang mo ang iyong ama at ang iyong ina.’ ” Exo 20:12-16; Deu 5:16-2021 Sinabi niya, “Ang lahat ng mga bagay na ito ay sinunod ko mula pa sa aking pagkabata.”22 Ngunit nang narinig ni Jesus ang mga bagay na ito, sinabi niya sa kaniya, “Isang bagay pa ang kulang sa iyo. Ipagbili mo ang lahat ng pag-aari mo gaano man ito karami at ipamahagi mo sa mga dukha at ikaw ay magkakaroon ng kayamanan sa langit. Halika, sumunod ka sa akin.”23 Kaya nang narinig niya ang mga bagay na ito, siya ay lubhang nagdalamhati sapagkat napakayaman niya.24 Nang nakita ni Jesus na siya ay lubhang nagdalamhati, kaniyang sinabi, “Sila na may maraming kayamanan ay mahihirapang pumasok sa paghahari ng Diyos,25 sapagkat mas madali pa sa kamelyo na dumaan sa butas ng isang karayom kaysa sa lalaking mayaman na pumasok sa paghahari ng Diyos.”26 At sila na nakarinig nito ay nagsabi, “Sino kung gayon ang maililigtas?”27 Ngunit sinabi ni Jesus, “Ang mga bagay na hindi magagawa ng tao ay magagawa ng Diyos.”28 Kaya sinabi ni Pedro, “Narito, iniwan namin ang lahat at sumunod sa iyo.”29 Sinabi niya sa kanila, “Katotohanang sinasabi ko sa inyo, walang sinumang nag-iwan ng bahay, o mga magulang, o mga kapatid, o asawang babae, o mga anak alang-alang sa paghahari ng Diyos30 ang hindi makakatanggap ng sagana sa kapanahunang ito, at sa buhay na walang hanggan sa darating na kapanahunan.”
Mark 10
17 At nang si Jesus ay papaalis na patungo sa daan, may lalaking patakbong lumapit at lumuhod sa harapan niya at tinanong siya, “Mabuting Guro, ano ang maari kong gawin upang makapagmana ako ng buhay na walang hanggan?”18 Ngunit sinabi ni Jesus sa kaniya, “Bakit mo sinasabing ako ay mabuti? Walang sinumang mabuti maliban sa isa, ang Diyos.19 Alam mo ang mga utos, ‘Huwag kang mangalunya,’ ‘Huwag kang papatay,’ ‘Huwag kang magnakaw,’ ‘Huwag kang sumaksi sa kasinungalingan,’ Exo 20:13-16; Deu 5:17-20 ‘Huwag kang mandaya,’ Deu 24:14 ‘Igalang mo ang iyong ama at ina.’ ” Exo 20:12; Deu 5:1620 Ngunit sumagot ang lalaki na sinabi sa kaniya, “Guro, ang lahat ng mga bagay na ito ay aking sinunod mula sa aking pagkabata.”21 Ngunit nang si Jesus ay tumingin sa kaniya, siya ay inibig niya at sinabi sa kaniya, “Isang bagay ang kulang sa iyo. Humayo ka at ipagbili mo ang lahat mong tinatangkilik at ibigay mo ang salapi sa mga dukha at magkakaroon ka ng kayamanan sa langit. Pagkatapos pumarito ka at sumunod ka sa akin na pinapasan ang krus.”22 At sa pagkalungkot ng lalaki sa salitang ito, siya ay umalis na namimighati sapagkat mayroon siyang napakaraming ari-arian.23 At sa kaniyang pagtingin sa palibot, sinasabi ni Jesus sa kaniyang mga alagad, “Gaano kahirap sa kanila, na mayroong mga kayamanan, ang pagpasok sa kaharian ng Diyos!”24 Ngunit namangha ang mga alagad sa kaniyang mga salita, kaya muling sumagot si Jesus na sinabi sa kanila, “Mga anak, gaano kahirap sa kanila, na nagtitiwala sa mga kayamanan, na pumasok sa kaharian ng Diyos.25 Mas madali pang dumaan ang kamelyo sa butas ng karayom kaysa sa pagpasok ng mayaman sa kaharian ng Diyos.”26 Kaya sila ay labis na nanggilalas na sinasabi sa isa't isa, “Sino ang maaaring maligtas?”27 At nang tumingin si Jesus sa kanila, sinabi niya, “Hindi ito maaaring magawa ng mga tao subalit hindi gayon sa Diyos, sapagkat sa Diyos ay maaring mangyari ang lahat ng mga bagay.”28 At si Pedro ay nagsimulang magsabi sa kaniya, “Narito, iniwan namin ang lahat at sumunod sa iyo.”29 At nang sumagot si Jesus, sinabi niya, “Katotohanang sinasabi ko sa inyo, walang sinumang nag-iwan ng bahay, o mga kapatid na lalaki, o mga kapatid na babae, o ama, o ina, o asawang babae, o mga anak, o mga lupain dahil sa akin at dahil sa ebanghelyo30 ang hindi makakatanggap ngayon, sa panahong ito, ng isandaang beses ng mga bahay, mga kapatid na lalaki at babae, mga ina, mga anak at ng mga lupain na may pagmamalupit, ngunit sa darating na kapanahunan, siya ay tatanggap ng buhay na walang hanggan.31 Ngunit ang mga una ay magiging huli at ang huli ay magiging una.”
Matthew 19
16 Narito, may isang lalaking lumapit at sinabi niya kay Jesus, “Mabuting Guro, anong mabuti ang gagawin ko upang ako ay magkaroon ng buhay na walang hanggan?”17 At sinabi ni Jesus sa kaniya, “Bakit mo sinasabing ako ay mabuti? Walang sinumang mabuti maliban sa isa, ang Diyos. Kung ninanais mong pumasok sa buhay, tuparin mo ang mga utos.”18 Sinabi niya kay Jesus, “Alin?” At sinabi ni Jesus, “‘Huwag kang papatay.’ ‘Huwag kang mangangalunya.’ ‘Huwag kang magnanakaw.’ ‘Huwag kang sasaksi sa hindi totoo.’19 ‘Igalang mo ang iyong ama at ang iyong ina.’ Exo 20:12-16; Deu 5:16-20 At ‘Iibigin mo ang iyong kapwa katulad ng iyong sarili.’ ” Lev 19:1820 Sinabi ng binata sa kaniya, “Ang lahat ng mga ito ay sinunod ko simula pa sa aking pagkabata. Ano pa ang pagkukulang ko?”21 Sinabi ni Jesus sa kaniya, “Kung ninanais mong maging ganap, humayo ka, ipagbili mo ang iyong mga tinatangkilik at ibigay mo sa mga dukha at magkakaroon ka ng kayamanan sa langit. Pagkatapos, pumarito ka at sumunod sa akin.”22 Ngunit nang narinig ng binata ang pananalitang ito, siya ay umalis na namimighati sapagkat nagtataglay siya ng maraming ari-arian.23 Kaya sinabi ni Jesus sa kaniyang mga alagad, “Katotohanang sinasabi ko sa inyo na ang isang mayaman ay mahihirapang pumasok sa paghahari ng langit.24 At muli kong sinasabi sa inyo, higit pang madali na dumaan ang isang kamelyo sa butas ng karayom kaysa sa isang mayaman na pumasok sa paghahari ng Diyos.”25 Nang narinig ito ng kaniyang mga alagad ay lubha silang nanggilalas na sinabi, “Kung gayon, sino ang maliligtas?”26 Ngunit si Jesus ay tumingin at sinabi sa kanila, “Para sa mga tao ay hindi ito maaring mangyari, ngunit para sa Diyos ay maaaring mangyari ang lahat ng mga bagay.”27 Kaya sumagot si Pedro at sinabi sa kaniya, “Narito, iniwan namin ang lahat at sumunod sa iyo. Kung gayon, ano ang aming makakamtan?”28 Ngunit sinabi ni Jesus sa kanila, “Katotohanang sinasabi ko sa inyo, sa pagbabago ng lahat ng mga bagay, kapag umupo na ang Anak ng Tao sa trono ng kaniyang kaluwalhatian, kayo na mga sumunod sa akin ay uupo rin sa labindalawang trono, na hinahatulan ang labindalawang lipi ng Israel.29 At ang bawat isang nag-iwan ng mga bahay, o ng mga kapatid na lalaki, o ng mga kapatid na babae, o ng ama, o ng ina, o ng asawang babae, o ng mga anak, o ng mga lupain alang-alang sa aking pangalan ay tatanggap ng isandaang ulit at magmamana ng buhay na walang hanggan.30 Ngunit ang mga una ay magiging huli at ang huli ay magiging una.
