1 At sinabi ni Jesus sa mga alagad, “Hindi maaari na ang mga katitisuran ay hindi darating. Ngunit, sa aba niya na pinanggagalingan nito.2 Mas mabuti pa sa kaniya kung ang malaking gilingang-bato ay ibinibitin sa kaniyang leeg at siya ay maitapon na sa dagat kaysa matitisod sa kaniya ang isa sa maliliit na ito.3 Ingatan ninyo ang inyong mga sarili. At kapag magkakasala laban sa iyo ang iyong kapatid, sawayin mo siya, ngunit kapag siya ay magsisisi, patawarin mo siya.4 At kapag magkakasala siya laban sa iyo nang pitong ulit sa isang araw at babalik siya sa iyo ng pitong ulit sa isang araw at magsasabi, ‘Ako ay nagsisisi,’ patawarin mo siya.”5 At sinabi ng mga apostol sa Panginoon, “Dagdagan mo ang aming pananampalataya.”6 Ngunit sinabi ng Panginoon, “Kung mayroon kayong pananampalatayang katulad ng butil ng mustasa, maari ninyong sabihin sa punongkahoy na ito, ‘Mabunot ka at maitanim ka sa dagat’ at ito ay maaring sumunod sa inyo.7 Subalit sino sa inyo ang mayroong aliping nag-aararo o nag-aalaga ng mga tupa, na sa kaniyang pagdating mula sa bukid ay sasabihin sa kaniya kaagad, ‘Dumulog ka sa hapag’?8 Sa halip ay hindi ba sasabihin mo pa sa kaniya, ‘Ipaghanda mo ako ng makakain, magbigkis ka at paglingkuran mo ako hanggang sa ako ay makakain at makainom. Pagkatapos ng mga ito, ikaw ay kakain at iinom.’9 Hindi ba niya pasasalamatan ang aliping iyon dahil ginawa niya ang mga bagay na iniutos sa kaniya? Sa palagay ko ay hindi.10 Gayundin naman kayo, kapag nagawa na ninyo ang lahat ng mga iniutos sa inyo, sabihin ninyo, ‘Kami ay mga aliping hindi kapaki-pakinabang sapagkat ginawa lamang namin ang dapat naming gawin.’ ”
Mark 9
38 Ngunit sumagot sa kaniya si Juan na sinasabi, “Guro, nakita namin ang isang tao na nagpapalayas ng mga demonyo sa pamamagitan ng pangalan mo. Siya ay hindi sumusunod sa atin at pinagbawalan namin siya sapagkat hindi siya sumusunod sa atin.”39 Ngunit sinabi ni Jesus, “Huwag ninyo siyang pagbawalan sapagkat walang taong gumagawa ng makapangyarihang gawa sa pangalan ko at dali-daling makakapagsalita ng masama laban sa akin,40 sapagkat siya na hindi laban sa atin ay panig sa atin.41 Katotohanang sinasabi ko sa inyo, dahil kayo ay kay Cristo, ang sinumang magbibigay sa inyo ng isang basong tubig sa aking pangalan ay hinding-hindi mawawala ang kaniyang gantimpala.42 “Ngunit ang sinumang makakapagpatisod ng isa sa maliliit na ito na sumasampalataya sa akin ay mabuti pa na ang gilingang-bato ay maibitin sa kaniyang leeg at siya ay maitapon na sa dagat.43 At kapag makakapagpatisod sa iyo ang iyong kamay, putulin mo ito. Mabuti pa sa iyo na pumasok sa buhay na putol ang isang kamay kaysa sa may dalawang kamay na pumunta sa impiyerno, sa apoy na hindi namamatay44 kung saan ‘Ang kanilang uod doon ay hindi namamatay at ang apoy ay hindi namamatay.’ Isa 66:2445 At kapag ang iyong paa ay makakapagpatisod sa iyo, putulin mo ito. Mabuti pa sa iyo na pumasok sa buhay na putol ang isang paa kaysa sa may dalawang paa na itapon sa impiyerno, sa apoy na hindi namamatay46 kung saan ‘Ang kanilang uod doon ay hindi namamatay at ang apoy ay hindi namamatay.’ Isa 66:2447 At kapag ang iyong mata ay makakapagpatisod sa iyo, dukutin mo ito. Mabuti pa sa iyo na pumasok sa paghahari ng Diyos na iisa ang mata kaysa may dalawang mata na itapon sa impiyerno ng apoy48 kung saan ‘Ang kanilang uod doon ay hindi namamatay at ang apoy ay hindi namamatay.’ Isa 66:2449 “Sapagkat ang bawat isa ay aasinan sa apoy at ang bawat hain ay aasinan sa asin.50 Ang asin ay mabuti, ngunit kapag ito ay mawalan ng alat, papaano ninyo ito mapapaalat? Magkaroon kayo ng asin sa inyong sarili at magkaroon kayo ng kapayapaan sa isa't isa.”
Matthew 18
6 “Ngunit ang sinumang makakapagpatisod ng isa sa maliliit na ito na sumasampalataya sa akin, mabuti pa sa kaniya na bitinan ng malaking gilingang-bato sa kaniyang leeg at siya ay ilunod sa kalaliman ng dagat.7 “Sa aba ng sangkatauhan dahil sa mga katitisuran sapagkat kinakailangan na ang mga katitisuran ay dumating. Gayunpaman, sa aba ng taong pinanggagalingan ng katitisuran!8 “Kaya kung ang iyong kamay o ang iyong paa ang tumitisod sa iyo, putulin mo ang mga ito at itapon mong palayo sa iyo. Higit na mabuti sa iyo na pumasok sa buhay na pilay o baldado kaysa may dalawang kamay o may dalawang paa na ihahagis sa apoy na walang hanggan.9 At kung ang iyong mata ang tumitisod sa iyo, dukutin mo ito at itapon mong palayo sa iyo. Higit na mabuti sa iyo na pumasok sa buhay na may isang mata kaysa may dalawang mata na ihahagis sa apoy na walang hanggan.10 “Mag-ingat kayo na huwag ninyong hahamakin ang isa sa maliliit na ito sapagkat sinasabi ko sa inyo na ang kanilang mga anghel sa langit ay palagiang nagmamasid sa harapan ng aking Ama na siyang nasa langit11 dahil ang Anak ng Tao ay pumarito upang iligtas ang mga napahamak.
Matthew 25
31 “At kapag ang Anak ng Tao ay darating sa kaniyang kaluwalhatian at ang lahat ng mga banal na anghel ay kasama niya, sa panahong iyon siya ay uupo sa trono ng kaniyang kaluwalhatian.32 At titipunin ang lahat ng mga bansa sa kaniyang harapan at ihihiwalay niya sila sa isa't isa katulad ng pastol na inihihiwalay ang mga tupa mula sa mga kambing.33 At ilalagay nga niya ang mga tupa sa kaniyang bahaging kanan, ngunit ang mga kambing ay sa bahaging kaliwa.34 Pagkatapos ay sasabihin ng hari sa kanila na nasa kaniyang bahaging kanan, ‘Halikayo, kayong mga pinagpala ng aking Ama. Manahin ninyo ang kahariang inihanda sa inyo mula pa sa pagkatatag ng sanlibutan35 sapagkat ako ay nagutom ngunit binigyan ninyo ako ng makakain. Ako ay nauhaw ngunit binigyan ninyo ako ng maiinom. Ako ay naging dayuhan ngunit ako ay inyong pinatuloy.36 Ako ay naging hubad ngunit ako ay dinamtan ninyo. Ako ay nagkasakit ngunit ako ay inyong dinalaw. Ako ay nabilanggo ngunit ako ay inyong pinuntahan.’37 “Sa oras na iyon ay sasagot ang mga matuwid sa kaniya na sinasabi, ‘Panginoon, kailan ka namin nakitang nagugutom at pinakain ka namin, o nauuhaw at binigyan ka namin ng maiinom?38 At kailan ka namin nakitang naging dayuhan at pinatuloy ka namin, o naging hubad at dinamitan ka namin?39 Kailan ka namin nakitang nagkasakit o nabilanggo at kami ay pumunta sa iyo?’40 Sa pagsagot ng hari ay sasabihin niya sa kanila, ‘Katotohanang sinasabi ko sa inyo, yamang ito ay ginawa ninyo sa isa sa pinakamaliit sa mga kapatid ko, ito ay ginawa ninyo sa akin.’41 “Pagkatapos ay sasabihin din niya sa kanila na nasa bahaging kaliwa, ‘Lumayo kayo sa akin, kayong mga isinumpa patungo sa apoy na walang hanggan na inihanda para sa diyablo at sa kaniyang mga anghel42 sapagkat ako ay nagutom ngunit ako ay hindi ninyo binigyan ng makakain. Ako ay nauhaw ngunit ako ay hindi ninyo binigyan ng maiinom.43 Ako ay naging dayuhan ngunit ako ay hindi ninyo pinatuloy. Ako ay naging hubad ngunit ako ay hindi ninyo dinamtan. Ako ay nagkasakit at nabilanggo ngunit ako ay hindi ninyo dinalaw.’44 “Sa oras na iyon ay sasagot din sila sa kaniya na sinasabi, ‘Panginoon, kailan ka namin nakitang nagutom, o nauhaw, o naging dayuhan, o naging hubad, o nagkasakit, o nabilanggo at hindi kami naglingkod sa iyo?’45 Kaya siya ay sasagot sa kanila na sinasabi, ‘Katotohanang sinasabi ko sa inyo, yamang ito ay hindi ninyo ginawa para sa isa sa mga pinakamaliit na ito, ito ay hindi ninyo ginawa sa akin.’46 At ang mga ito ay pupunta sa kaparusahang walang hanggan, ngunit ang mga matuwid ay patungo sa buhay na walang hanggan.”
