1 Ang matatanda na nasa inyo ay pinagtatagubilinan ko bilang isa ring matanda at saksi sa mga paghihirap ni Cristo at kabahagi ng kaluwalhatiang malapit nang ihayag.2 Pangalagaan ninyo ang kawan ng Diyos na nasa inyo. Pangasiwaan ninyo sila nang hindi napipilitan kundi kusang-loob, hindi dahil sa masamang kapakinabangan kundi dahil sa kasiglahan,3 at hindi katulad ng mga namumuno na may pagkapanginoon sa nasasakupan ng Diyos kundi bilang huwaran ng kawan.4 At kapag ang Pangulong Pastol ay mahayag, kayo ay tatanggap ng putong ng kaluwalhatian na hindi kumukupas.
Acts 20
28 Kaya ingatan ninyo ang inyong mga sarili at ang buong kawan, kung saan ang Banal na Espiritu ang nagtalaga sa inyo bilang tagapangasiwa upang pangalagaan ang iglesiya ng Diyos na kaniyang binili sa pamamagitan ng sarili niyang dugo
Isaiah 40
11 Kaniyang papastulin ang kaniyang kawan, na gaya ng pastor, kaniyang pipisanin ang mga kordero sa kaniyang kamay, at dadalhin sila sa kaniyang sinapupunan, at papatnubayan na marahan yaong mga nagpapasuso.
John 10
1 “Katotohanan, katotohanang sinasabi ko sa inyo, siya na hindi pumapasok sa pintuan ng kulungan ng mga tupa ngunit umaakyat sa ibang daan, siya ay magnanakaw at tulisan.2 Ngunit ang pumapasok sa pintuan ay ang pastol ng mga tupa.3 Siya ay pinagbubuksan ng bantay-pintuan at dinirinig ng mga tupa ang kaniyang tinig. Tinatawag niya ang kaniyang sariling mga tupa sa kani-kanilang pangalan at sila ay inaakay niya sa paglabas.4 Kapag nailabas na niya ang kaniyang sariling mga tupa, siya ay naglalakad sa unahan nila at ang mga tupa ay sumusunod sa kaniya sapagkat kilala na nila ang kaniyang tinig.5 Hinding-hindi sila susunod sa dayuhan kundi lalayo sila sa kaniya sapagkat hindi nila kilala ang tinig ng mga dayuhan.”6 Ang talinghagang ito ay sinabi ni Jesus sa kanila ngunit hindi nila naunawaan kung anong mga bagay ang sinabi niya sa kanila.7 Kaya muling sinabi ni Jesus sa kanila, “Katotohanan, katotohanang sinasabi ko sa inyo, ako ang pintuan ng mga tupa.8 Ang lahat ng mga naunang dumating sa akin ay mga magnanakaw at mga tulisan subalit hindi sila dininig ng mga tupa.9 Ako ang pintuan. Ang sinumang makakapasok sa pamamagitan ko ay maliligtas. Siya ay papasok at lalabas, at masusumpungan niya ang pastulan.10 Ang magnanakaw ay hindi pumarito maliban na siya ay makapagnakaw, makapatay at makapaminsala. Ako ay pumarito upang magkaroon sila ng buhay at magkaroon sila ng lubos na kasaganaan.11 “Ako ang mabuting pastol. Iniaalay ng mabuting pastol ang kaniyang buhay alang-alang sa mga tupa.12 Ngunit ang upahang lingkod at hindi pastol na hindi nagmamay-ari ng mga tupa, kapag nakikita niya na dumarating ang lobo, iniiwan niya ang mga tupa at tumatakbong palayo. Kaya, ang mga tupa ay sinisila at ikinakalat ng lobo.13 Ang upahang lingkod ay tumatakbong palayo sapagkat siya ay upahang lingkod at hindi niya pinagmamalasakitan ang kalagayan ng mga tupa.14 Ako ang mabuting pastol. Kilala ko ang aking mga tupa at nakikilala nila ako,15 kung paanong ako ay kilala ng Ama at kilala ko ang Ama. Iniaalay ko ang aking buhay alang-alang sa mga tupa.16 Mayroon akong ibang mga tupa na wala sa kawan na ito at sila rin ay dapat kong akayin. Diringgin nila ang aking tinig at magiging isang kawan at isang pastol.17 “Dahil dito, iniibig ako ng Ama sapagkat iniaalay ko ang aking buhay upang ito ay makuha kong muli.18 Walang sinumang makakaagaw nito sa akin subalit iniaalay ko ito mula sa aking sarili. Mayroon akong kapamahalaang ialay ito at mayroon akong kapamahalaang kunin itong muli. Ito ang utos na tinanggap ko mula sa aking Ama.”19 Kaya muling nagkaroon ng pagkakabaha-bahagi sa mga Judio dahil sa mga pananalitang ito.20 Marami sa kanila ang nagsabi, “Siya ay may demonyo at nahihibang. Bakit kayo nakikinig sa kaniya?”21 Sinabi ng iba, “Hindi ito mga pananalita ng isang inaalihan ng demonyo. May kapangyarihan bang makapagpamulat ng mga mata ng bulag ang demonyo?”22 Naganap sa Jerusalem ang Kapistahan ng Pagtatalaga, at noon ay taglamig.23 Si Jesus ay naglalakad sa templo sa portiko ni Solomon24 kaya pinalibutan siya ng mga Judio at sinabi nila sa kaniya, “Hanggang kailan mo paghihintayin ang aming kaluluwa? Kung ikaw ang Cristo, sabihin mo sa amin nang tuwiran.”25 Sumagot si Jesus sa kanila, “Sinabi ko na sa inyo ngunit hindi kayo sumampalataya. Ang mga gawa na ginagawa ko sa pangalan ng aking Ama ang siyang nagpapatotoo patungkol sa akin.26 Hindi kayo sumasampalataya sapagkat hindi kayo sa aking mga tupa kagaya ng sinabi ko sa inyo.27 Dinirinig ng aking mga tupa ang aking tinig. Kilala ko sila at sumusunod sila sa akin.28 Binibigyan ko sila ng buhay na walang hanggan at hinding-hindi sila mapapahamak magpakailanman. Walang sinumang makakaagaw sa kanila mula sa aking kamay.29 Ibinigay sila sa akin ng aking Ama na higit na dakila sa lahat. Walang sinuman ang makakaagaw sa kanila mula sa kamay ng aking Ama.30 Ako at ang Ama ay isa.”31 Muli ngang dumampot ng mga bato ang mga Judio upang siya ay batuhin.32 Si Jesus ay sumagot sa kanila, “Maraming mabubuting gawa ang ipinakita ko sa inyo mula sa aking Ama. Alin sa mga gawang iyon ang dahilan na binabato ninyo ako?”33 Ang mga Judio ay sumagot sa kaniya, na sinasabi, “Hindi ka namin binabato dahil sa mabuting gawa kundi dahil sa paglapastangan sapagkat ginagawa mong Diyos ang iyong sarili, ikaw na tao.”34 Tinugon sila ni Jesus, “Hindi ba nakasulat sa inyong Kautusan, ‘Aking sinabi, Kayo ay mga diyos’? Awi 82:635 Kung sila ay tinawag niyang mga diyos, na sa pamamagitan nila ay dumating ang salita ng Diyos, at ang Kasulatan ay hindi masisira,36 sinasabi ba ninyo sa pinabanal ng Ama at isinugo sa sanlibutan, ‘Ikaw ay naglalapastangan,’ dahil sinabi ko, ‘Ako ay Anak ng Diyos’?37 Kung hindi ko ginagawa ang mga gawa ng aking Ama, huwag kayong sumampalataya sa akin.38 Ngunit kung ginagawa ko, kahit hindi kayo sumampalataya sa akin, sampalatayanan ninyo ang mga gawa upang malaman ninyo at sumampalataya kayo na ang Ama ay nasa akin at ako ay nasa kaniya.”39 Dahil dito, muli silang naghanap ng pagkakataon upang dakpin siya, kaya siya ay tumakas mula sa kanilang kamay.40 Pumunta siyang muli sa ibayo ng Jordan, sa lugar na dating pinagbabawtismuhan ni Juan at siya ay nanatili roon.41 Marami ang pumunta sa kaniya at sinabi, “Totoong si Juan ay hindi gumawa ng anumang tanda, ngunit ang lahat ng mga bagay na sinabi ni Juan patungkol sa taong ito ay totoo.”42 At marami ang sumampalataya sa kaniya roon.
John 10
11 “Ako ang mabuting pastol. Iniaalay ng mabuting pastol ang kaniyang buhay alang-alang sa mga tupa.12 Ngunit ang upahang lingkod at hindi pastol na hindi nagmamay-ari ng mga tupa, kapag nakikita niya na dumarating ang lobo, iniiwan niya ang mga tupa at tumatakbong palayo. Kaya, ang mga tupa ay sinisila at ikinakalat ng lobo.13 Ang upahang lingkod ay tumatakbong palayo sapagkat siya ay upahang lingkod at hindi niya pinagmamalasakitan ang kalagayan ng mga tupa.14 Ako ang mabuting pastol. Kilala ko ang aking mga tupa at nakikilala nila ako,
John 21
15 Kaya pagkatapos nilang mag-agahan, sinabi ni Jesus kay Simon Pedro, “Simon, anak ni Jonas, iniibig mo ba ako nang higit sa mga ito?” Sinabi ni Pedro sa kaniya, “Oo, Panginoon, nalalaman mong minamahal kita.” Sinabi ni Jesus sa kaniya, “Pakainin mo ang aking mga kordero.”16 Sinabi niyang muli sa kaniya sa ikalawang pagkakataon, “Simon, anak ni Jonas, iniibig mo ba ako?” Sinabi ni Pedro sa kaniya, “Oo, Panginoon, alam mo na minamahal kita.” Sinabi ni Jesus sa kaniya, “Alagaan mo ang aking mga tupa.”17 Sinabi ni Jesus sa kaniya sa ikatlong pagkakataon, “Simon, anak ni Jonas, minamahal mo ba ako?” Ikinalungkot ito ni Pedro sapagkat sa ikatlong pagkakataon ay sinabi ni Jesus sa kaniya, “Minamahal mo ba ako?” Sinabi ni Pedro sa kaniya, “Panginoon, alam mo ang lahat ng mga bagay. Nalalaman mo na minamahal kita.” Sinabi ni Jesus sa kaniya, “Pakainin mo ang aking mga tupa.
Psalm 100
3 Alamin ninyo na ang Panginoon ay siyang Dios; siya ang lumalang sa atin, at tayo'y kaniya: tayo'y kaniyang bayan, at mga tupa ng kaniyang pastulan.
Psalm 23
1 Ang Panginoon ay aking pastor; hindi ako mangangailangan.2 Kaniyang pinahihiga ako sa sariwang pastulan: pinapatnubayan niya ako sa siping ng mga tubig na pahingahan,3 Kaniyang pinapananauli ang aking kaluluwa: pinapatnubayan niya ako sa mga landas ng katuwiran alangalang sa kaniyang pangalan.4 Oo, bagaman ako'y lumalakad sa libis ng lilim ng kamatayan, wala akong katatakutang kasamaan; sapagka't ikaw ay sumasa akin: ang iyong pamalo at ang iyong tungkod, ay nagsisialiw sa akin.5 Iyong pinaghahandaan ako ng dulang sa harap ko sa harapan ng aking mga kaaway: iyong pinahiran ang aking ulo ng langis; ang aking saro ay inaapawan.6 Tunay na ang kabutihan at kaawaan ay susunod sa akin sa lahat ng mga kaarawan ng aking buhay: at ako'y tatahan sa bahay ng Panginoon magpakailan man.
Revelation 7
17 sapagkat ang Korderong nasa gitna ng trono ang mangangalaga sa kanila at magpapatnubay sa kanila sa mga buhay na bukal ng tubig, at papahirin ng Diyos ang bawat luha sa kanilang mga mata.”
