Paglubog ng araw sa Galilea
| Secondary Keywords | Aurinko banal na lupa dagat ng galilee dagat-dagatan gabi Israel lake baybayin Rauha rauha rauhan rauhan rauhan rauhan rauhan rauhan rauhan Rauhallinen Rauhallinen rauha valon valo |
|---|---|
| Mga Banal na Kasulatan | John 61 Pagkatapos ng mga bagay na ito, pumunta si Jesus sa kabilang ibayo ng dagat ng Galilea, ito ang dagat ng Tiberias. 2 Nagsisunod sa kaniya ang lubhang napakaraming tao dahil nakikita nila ang mga tanda na ginagawa niya sa mga may karamdaman. 3 Ngunit umakyat si Jesus sa bundok at naupo siya roon kasama ng kaniyang mga alagad. 4 Noon ay malapit na ang Paglagpas, ang kapistahan ng mga Judio. 5 Kaya nang itinanaw ni Jesus ang kaniyang mga mata at napagmasdan ang lubhang napakaraming taong paparating sa kaniya, sinabi niya kay Felipe, “Saan tayo bibili ng mga tinapay upang makakain ang mga taong ito?” 6 Subalit sinabi niya ito upang subukin siya sapagkat alam ni Jesus kung ano ang dapat niyang gawin. 7 Sumagot si Felipe sa kaniya, “Ang dalawandaang denaryong° halaga ng tinapay ay hindi makakasapat sa kanila upang makatanggap ng kaunti ang bawat isa sa kanila.” 8 Isa sa kaniyang mga alagad, si Andres na kapatid ni Simon Pedro, ay nagsabi sa kaniya, 9 “May isang batang lalaki rito na may limang tinapay na sebada at dalawang isda, ngunit ano ang mga ito sa napakaraming tao?” 10 Gayunpaman ay sinabi ni Jesus, “Paupuin ninyo ang mga tao.” Madamo sa dakong iyon kaya umupo ang mga lalaki na ang bilang ay halos limang libo. 11 At kinuha ni Jesus ang mga tinapay at nang siya ay nakapagpasalamat, ipinamahagi niya sa mga alagad at ipinamahagi naman ng mga alagad sa mga nakaupo, gayundin ang mga isda, gaano man ang gustuhin nila. 12 At nang sila ay nabusog, sinabi niya sa kaniyang mga alagad, “Ipunin ninyo ang mga lumabis na mga piraso upang walang anumang masayang.” 13 Kaya inipon nila at napuno nila ang labindalawang bakol ng mga piraso mula sa limang tinapay na sebada na lumabis sa mga nakakain na. 14 Kaya ang mga taong nakakita ng tanda na ginawa ni Jesus ay nagsabi, “Totoong ito na ang propetang darating sa sanlibutan.” 15 Nang nalaman nga ni Jesus ang binabalak nilang paglapit at pagsunggab sa kaniya upang gawin siyang hari, siya ay muling umalis na nag-iisa patungo sa bundok. Luke 51 At nangyari nang dumagsa ang napakaraming tao kay Jesus upang makinig ng salita ng Diyos, siya naman ay tumayo sa tabi ng lawa ng Genesaret. 2 At siya ay nakakita ng dalawang bangkang nakadaong na sa tabi ng lawa, ngunit ang mga mangingisda ay nakababa na mula roon at nagbabanlaw ng mga lambat. 3 At siya ay sumakay sa isa sa mga bangka na pag-aari ni Simon at ipinakiusap niya sa kaniya na ilayo ng kaunti sa baybayin ang bangka. At siya ay umupo, at mula sa bangka ay tinuruan niya ang napakaraming tao. 4 At pagkatapos niyang magsalita, sinabi niya kay Simon, “Pumaroon ka sa malalim at ihulog ninyo ang inyong mga lambat para makahuli ng mga isda.” 5 At sumagot si Simon na sinabi, “Panginoon, sa magdamag na pagpapagal, wala kaming nahuli. Subalit sa iyong salita ay ihuhulog ko ang lambat.” 6 Nang nagawa nila ito, sila ay nakahuli ng lubhang maraming isda at ang lambat nila ay napunit. 7 Kaya kinawayan nila ang kanilang kasamahan sa ibang bangka na lumapit upang sila ay tumulong sa kanila. At sila ay lumapit at pinuno nila ang dalawang bangka kung kaya sila ay nagsimula nang lumubog. 8 Kaya nang nakita iyon ni Simon Pedro, siya ay nagpatirapa sa mga tuhod ni Jesus, na sinasabi, “Panginoon, lumayo ka sa akin sapagkat ako ay isang taong makasalanan.” 9 Sinabi niya ito sapagkat siya ay nabalot ng pagkamangha gayundin ang lahat niyang kasama dahil sa napakarami nilang nahuling isda. 10 Namangha rin sina Santiago at Juan na mga anak ni Zebedeo, na kasamahan ni Simon. Sinabi ni Jesus kay Simon, “Huwag kang matakot. Mula ngayon ay maging mamalakaya ka ng mga tao.” 11 Pagkadaong ng mga bangka sa lupa, iniwan nila ang lahat at sumunod kay Jesus. Luke 911 Ngunit nang nalaman ito ng napakaraming tao, sila ay sumunod sa kaniya. Sila ay kaniyang tinanggap at siya ay nagsalita sa kanila patungkol sa paghahari ng Diyos, at sila na nangangailangan ng kagalingan ay kaniyang pinagaling. 12 Nang gumagabi na, lumapit sa kaniya ang labindalawang apostol at sinabi sa kaniya, “Paalisin mo na ang napakaraming tao upang sila ay pumunta sa palibot ng mga nayon at sa mga bukid na matutuluyan nila at sila ay makakahanap ng pagkain sapagkat tayo ay nasa ilang na dako.” 13 Ngunit sinabi ni Jesus sa kanila, “Bigyan ninyo sila ng makakain.” Subalit sinabi nila, “Wala tayong ibang pagkain kundi ang limang tinapay at dalawang isda, maliban na kami ay aalis at makakabili ng pagkain para sa lahat ng mga taong ito” 14 sapagkat ang mga lalaki ay halos limang libo. Ngunit sinabi niya sa kaniyang mga alagad, “Paupuin ninyo sila ng tiglilimampu bawat pangkat.” 15 At gayon ang ginawa nila at pinaupo nila ang lahat. 16 At pagkakuha niya sa limang tinapay at sa dalawang isda, siya ay tumingin sa langit at pinagpala niya ang mga ito, pinagputul-putol at ibinigay sa mga alagad upang ihain sa napakaraming tao. 17 At sila ay kumain at nabusog ang lahat. At ang lumabis na mga piraso na kanilang nakuha ay labindalawang bakol. Mark 631 At sinabi ni Jesus sa kanila, “Halikayo! Kayo lamang, patungo sa isang ilang na dako at magpahinga kayo sandali” dahil sila na dumarating at sila na umaalis ay marami at wala na silang pagkakataong kumain. 32 Kaya sila lamang ang umalis na nakasakay sa bangka patungo sa ilang na dako. 33 At nakita ng napakaraming tao ang kanilang pag-alis at marami ang nakakilala kay Jesus, at sama-sama silang tumakbo mula sa lahat ng mga lungsod patungo roon at sila ay naunang dumating kaysa sa kanila at sama-samang lumapit kay Jesus. 34 At pagkalunsad ni Jesus, nakita niya ang lubhang napakaraming tao at siya ay nahabag sa kanila sapagkat sila ay katulad ng mga tupang walang pastol, at sila ay sinimulan niyang turuan ng maraming bagay. 35 At pagkalipas ng maraming oras, lumapit kay Jesus ang kaniyang mga alagad at kanilang sinabi, “Ito ay ilang na dako at lumipas na ang maraming oras. 36 Paalisin mo na sila upang sa kanilang pagpunta sa mga karatig pook at sa mga nayon ay makabili ng mga tinapay para sa kanilang sarili sapagkat sila ay walang anumang makakain.” 37 Subalit siya ay sumagot sa kanila na sinabi, “Bigyan ninyo sila ng makakain.” At sinabi nila sa kaniya, “Aalis ba kami upang makabili ng halagang dalawandaang denaryong° tinapay upang mabigyan sila ng makakain?” 38 Ngunit sinabi niya sa kanila, “Ilang tinapay ang mayroon kayo? Umalis kayo at tingnan ninyo.” Nang nalaman nila ay kanilang sinabi, “Limang tinapay at dalawang isda.” 39 At sila ay inutusan niya upang paupuin silang lahat nang pangkat-pangkat sa luntiang damo. 40 Kaya sila ay umupo nang ayon sa mga hanay ng isandaan at hanay ng limampu. 41 Nang nakuha niya ang limang tinapay at dalawang isda, tumingala siya sa langit at pinagpala at pinagputul-putol ang mga tinapay at ibinigay sa kaniyang mga alagad upang maipamahagi sa kanila, at ang dalawang isda ay ipinamahagi niya sa lahat, 42 at silang lahat ay kumain at nabusog. 43 Kanilang pinulot ang mga pira-piraso ng tinapay at ng mga isda at napuno ang labindalawang bakol. 44 At ang mga kumain ng mga tinapay ay halos limang libong lalaki. 45 At inutusan kaagad ni Jesus ang kaniyang mga alagad na sumakay sa bangka at upang mauna sa kabilang ibayo patungong Betsaida hanggang sa mapauwi niya ang napakaraming tao. 46 At nang sila ay napaluwas niya, siya ay umahon sa bundok upang manalangin. |
