Opetuslapset hajaantuvat
| Secondary Keywords | alagad kasaysayan pag-uusig pahimakas Samaria simbahan Uusi uusi uusi |
|---|---|
| Mga Banal na Kasulatan | Acts 131 Naroroon sa iglesiya na nasa Antioquia ang ilang mga propeta at mga guro, katulad ni Bernabe, ni Simeon na tinatawag na Negro, ni Lucio na taga-Cerene, ni Manaen na kinakapatid ni Herodes na tetrarka at ni Saulo. 2 At habang sila ay naglilingkod sa Panginoon at nag-aayuno, sinabi ng Banal na Espiritu, “Ibukod nga ninyo sa akin si Bernabe at si Saulo para sa gawain kung saan sila ay tinawag ko na.” 3 Pagkatapos nilang nag-ayuno, nanalangin at ipinatong ang kanilang mga kamay kina Bernabe at Saulo, sila ay kanilang pinahayo. 4 Pagkatapos nga silang isugo ng Banal na Espiritu, sila ay lumusong sa Seleucia, at mula roon ay naglayag sila patungo sa Cyprus. 5 At nang sila ay nasa Salamis, ipinangaral nila ang salita ng Diyos sa mga sinagoga ng mga Judio. Kasama rin nila si Juan bilang tagapaglingkod. 6 At nang nakadaan na sila sa buong pulo hanggang sa Pafos, natagpuan nila ang isang salamangkero na bulaang propeta at isang Judio na ang pangalan ay Bar-Jesus. 7 Siya ay kasama ng gobernador na si Sergio Paulo na isang lalaking matalino na nagpatawag kay Bernabe at kay Saulo dahil hinangad niyang mapakinggan ang salita ng Diyos. 8 Subalit hinadlangan sila ni Elimas na salamangkero (sapagkat iyon ang kahulugan ng kaniyang pangalan), sa pamamagitan ng pagsisikap na mailihis ang gobernador mula sa pananampalataya. 9 Ngunit si Saulo na tinatawag ding Pablo, na puspos ng Banal na Espiritu at nakatitig sa kaniya, 10 ay nagsabi, “O, anak ng diyablo, na puspos ng lahat ng pandaraya at ng lahat ng panlilinlang at kaaway ng lahat ng katuwiran, hindi ka ba titigil sa paglihis sa mga daang matuwid ng Panginoon? 11 At ngayon, narito, ang kamay ng Panginoon ay laban sa iyo at mabubulag ka. Hindi mo makikita ang araw sa ilang panahon.” Kaagad na bumaba sa kaniya ang ulap at ang kadiliman. At siya ay naglilibot na naghahanap ng aakay sa kaniya. 12 Nang magkagayon, nang nakita ng gobernador ang nangyari, siya ay sumampalataya na namamangha sa katuruan ng Panginoon. 13 Nang nakapaglayag si Pablo at ang kaniyang mga kasama mula sa Pafos, sila ay umabot sa Perga ng Pamfilia, ngunit iniwan sila ni Juan at siya ay bumalik sa Jerusalem. 14 At nang sila ay dumaan sa Perga, dumating sila sa Antioquia ng Pisidia at sa pagpasok nila sa sinagoga sa araw ng Sabat, sila ay umupo. 15 Pagkatapos ng pagbasa ng aklat ng Kautusan at ng mga aklat ng mga Propeta, ang mga pinuno sa sinagoga ay nagsugo sa kanila, na sinabi, “Mga ginoo at mga kapatid, kung mayroon kayong salita na makakapagpalakas ng loob sa mga tao, magsalita kayo.” 16 Kaya tumayo si Pablo at naghudyat ng kamay at sinabi, “Mga ginoong taga-Israel at kayong mga may takot sa Diyos, makinig kayo. 17 Ang Diyos ng bayang ito ng Israel ang pumili sa ating mga ninuno at pinarangalan niya ang bayan nang sila ay nakipamayan bilang dayuhan sa lupain ng Egipto, at sila ay kaniyang inilabas mula roon sa pamamagitan ng matayog na bisig. 18 At sa loob ng halos apatnapung taon ay pinagtiisan niya ang kanilang mga pag-uugali roon sa ilang. 19 At nang mapabagsak niya ang pitong bansa sa lupain ng Canaan, ipinamahagi niya ang lupain sa kanila bilang pamana. 20 “At pagkatapos ng mga bagay na ito, siya ay nagbigay ng mga hukom sa loob ng halos apatnaraan at limampung taon hanggang kay Samuel na propeta. 21 At pagkatapos ay humingi sila ng hari, at ibinigay ng Diyos sa kanila sa loob ng apatnapung taon si Saulo na anak ni Kis na lalaking mula sa angkan ni Benjamin. 22 At nang siya ay inalis, itinindig ng Diyos para sa kanila si David upang maging hari, na siya rin ang pinatotohanan niya na sinabi, ‘Natagpuan ko si David na anak ni Jesse, isang lalaking ayon sa aking puso na siyang gagawa ng lahat ng aking kalooban.’ 23 Mula sa binhi ng taong ito, ayon sa kaniyang pangako, itinindig ng Diyos sa Israel si Jesus na Tagapagligtas. 24 Bago siya dumating ay nangaral muna si Juan ng bawtismo ng pagsisisi sa lahat ng mga tao sa Israel. 25 Ngunit habang ginaganap na ni Juan ang kaniyang tungkulin, sinabi niya, ‘Sino ba ako sa akala ninyo? Hindi ako ang Cristo. Subalit narito, may isang dumarating na kasunod ko na hindi ako karapat-dapat magkalag ng panyapak ng kaniyang mga paa.’ 26 “Mga ginoo at mga kapatid, mga anak ng lahi ni Abraham at kayo na mga may takot sa Diyos, ang salita ng kaligtasang ito ay ipinadala sa inyo, 27 sapagkat ang mga naninirahan sa Jerusalem at ang kanilang mga pinuno ang tumupad sa mga paghatol sa kaniya, dahil siya ay hindi nila kinilala, at ang mga tinig ng mga propeta ayon sa kanilang binabasa tuwing araw ng Sabat. 28 Bagaman walang makitang anumang dahilan ng kaniyang kamatayan, hiniling nila kay Pilato na siya ay patayin. 29 At nang naganap nila ang lahat ng mga nakasulat patungkol sa kaniya, pagkatapos siyang ibaba mula sa kahoy, siya ay kanilang inilagay sa libingan. 30 Subalit ang Diyos ang nagbangon sa kaniya mula sa mga patay. 31 Sa loob ng maraming araw, siya ay nakita ng mga kasama niyang umahon mula sa Galilea patungo sa Jerusalem. Sila ang kaniyang mga saksi sa mga tao. 32 At kami ay nangaral sa inyo ng ebanghelyo na pangakong ginawa para sa ating mga ninuno 33 sapagkat ito ay tinupad ng Diyos sa atin na kanilang mga anak nang muli niyang ibinangon si Jesus ayon din sa nasusulat sa ikalawang Awit, ‘Ikaw ang aking Anak. Sa araw na ito ay ipinanganak kita.’ Awi 2:7 34 At patungkol sa pagbangon ng Diyos sa kaniya mula sa mga patay, upang hindi na babalik sa pagkabulok, ay nagsalita siya ng ganito, ‘Ibibigay ko sa iyo ang mga tapat na kahabagan ni David.’ Isa 55:3 35 Kaya sinabi rin niya sa ibang Awit, ‘Hindi mo hahayaan na ang iyong Banal ay makakita ng pagkabulok.’ Awi 16:10 36 “Sapagkat pagkatapos ngang paglingkuran ni David ang kaniyang sariling lahi ayon sa kalooban ng Diyos, siya ay namatay at inilibing sa piling ng kaniyang mga ninuno at nakakita ng pagkabulok. 37 Subalit si Jesus na muling ibinangon ng Diyos ay hindi nakakita ng pagkabulok. 38 Kaya mga ginoo at mga kapatid, dapat ninyo itong alamin na sa pamamagitan niya, ibinabalita sa inyo ang kapatawaran ng mga kasalanan. 39 At sa pamamagitan niya, pinapawalang-sala ang lahat ng sumasampalataya mula sa lahat ng mga bagay na hindi kayo maaring mapawalang-sala ng Kautusan ni Moises. 40 Mag-ingat nga kayo, na huwag nawang mangyari sa inyo ang mga inihayag na sa mga Propeta, 41 ‘Narito, kayong mga mapanghamak, mamangha kayo at maglaho sapagkat ang gawaing aking ginagawa sa inyong mga araw ay isang gawaing hinding-hindi ninyo mapapaniwalaan kahit na may taong magsasalaysay sa inyo.’ ” Hab 1:5 42 At pagkaalis nila mula sa sinagoga ng mga Judio, ang mga Gentil ay nagsumamo na ipangaral sa kanila ang mga salitang ito sa susunod na araw ng Sabat. 43 Ngunit nang makaalis na ang mga nasa sinagoga, marami sa mga Judio at sa mga matatapat na nagbago ng paniniwala ang sumunod kina Pablo at Bernabe, na sa pakikipag-usap sa kanila ay humimok sa kanila na manatili sa biyaya ng Diyos. 44 At sa sumunod na araw ng Sabat, halos ang buong lungsod ay nagkatipon upang pakinggan ang salita ng Diyos. 45 Subalit nang nakita ng mga Judio ang napakaraming tao, sila ay napuspos ng inggit at nagsalita laban sa mga bagay na sinasabi ni Pablo. Sila ay sumasalungat at lumalapastangan. 46 Ngunit si Pablo at Bernabe ay buong tapang na nagsabi, “Kinakailangang sa inyo muna sabihin ang salita ng Diyos, ngunit yamang itinakwil ninyo ito at hinahatulan ninyo ang inyong mga sarili na hindi karapat-dapat sa buhay na walang hanggan, narito, kami ay bumabaling sa mga Gentil, 47 sapagkat sa ganitong paraan ay iniutos sa amin ng Panginoon, ‘Itinalaga na kita upang maging ilaw para sa kaligtasan ng mga Gentil hanggang sa kadulu-duluhan ng daigdig.’ ” Isa 49:6 48 At nang narinig ito ng mga Gentil, sila ay nagalak at niluwalhati ang salita ng Panginoon, at ang sinumang naitalaga na sa buhay na walang hanggan ay sumampalataya. 49 Kaya ang salita ng Panginoon ay lumalaganap sa buong lupain. 50 Subalit inudyukan ng mga Judio ang mga nagsisisamba at kagalang-galang na mga babae at ang mga pangunahing lalaki sa lungsod, at sila ay nagsimula ng pagmamalupit laban kay Pablo at Bernabe at sila ay pinalayas sa kanilang lupain. 51 Kaya nang naipagpag nina Pablo at Bernabe ang alikabok ng kanilang mga paa laban sa kanila, sila ay pumunta sa Iconio. 52 At ang mga alagad ay napuspos ng kagalakan at ng Banal na Espiritu. Acts 81 At si Saulo ay sumang-ayon sa pagpatay kay Esteban. Sa araw na iyon ay nagkaroon ng matinding pagmamalupit laban sa iglesiya na nasa Jerusalem, at silang lahat ay nangalat sa lahat ng mga dako sa Judea at Samaria, maliban sa mga apostol. 2 Inilibing si Esteban ng mga lalaking makadiyos at sila ay nagkaroon ng labis na pagdadalamhati sa kaniya. 3 At labis na pinipinsala ni Saulo ang iglesiya, pinapasok niya ang bawat bahay, kinakaladkad ang mga lalaki at mga babae at dinadala niya sa kulungan. 4 Kaya nga, sila na mga nangalat ay naglakbay na ipinangangaral ang ebanghelyo. 5 At nang bumaba si Felipe sa lungsod ng Samaria, ipinangaral niya ang Cristo sa kanila. 6 At pinakinggan ng napakaraming tao ang mga bagay na sinalita ni Felipe, na may pagkakaisa sa pakikinig at sa pagmamasid sa mga tanda na ginawa niya, 7 sapagkat ang mga karumal-dumal na espiritu, na sumisigaw na may malakas na tinig, ay lumalabas sa maraming mga inaalihan at ang maraming mga nalumpo at ang mga pilay ay napagaling. 8 At nagkaroon ng malaking kagalakan sa lungsod na iyon. 9 Ngunit may isang lalaki na ang pangalan ay Simon, na noon ay gumagawa ng panggagaway sa lungsod at pinamamangha ang mga tao sa Samaria, na nagsasabing siya ay isang taong dakila. 10 Ang lahat, buhat sa pinakamaliit hanggang sa pinakadakila ay nakikinig sa kaniya at kanilang sinasabi, “Ang lalaking ito ang dakilang kapangyarihan ng Diyos.” 11 At siya ay pinakinggan nila sapagkat sa mahabang panahon sila ay pinamangha na sa mga panggagaway. 12 Ngunit nang sila ay naniwala kay Felipe na nangangaral ng ebanghelyo, patungkol sa paghahari ng Diyos at patungkol sa pangalan ni Jesu-Cristo, sila ay nabawtismuhan, kapwa mga lalaki at mga babae. 13 At si Simon mismo ay naniwala rin, at nang siya ay nabawtismuhan, siya ay nanatiling kasama ni Felipe. Habang nakikita niya ang mga makapangyarihang mga gawa at mga tanda na nagaganap, siya ay namangha. 14 Nang narinig ng mga apostol na nasa Jerusalem na natanggap na ng Samaria ang salita ng Diyos, sinugo nila sina Pedro at Juan sa kanila. 15 Nang sila ay nakarating, sila ay nanalangin para sa kanila upang tanggapin ang Banal na Espiritu, 16 sapagkat siya ay hindi pa bumaba sa kaninuman sa kanila subalit nabawtismuhan na sila sa pangalan ng Panginoong Jesus. 17 Kaya ipinatong nila ang kanilang mga kamay sa kanila at tinanggap nila ang Banal na Espiritu. 18 Nang nakita ni Simon na sa pamamagitan ng pagpatong ng mga kamay ng mga apostol, ibinibigay ang Banal na Espiritu, sila ay inalok niya ng maraming salapi, 19 na sinasabi, “Bigyan din ninyo ako ng kapangyarihang ito upang kung maipatong ko ang mga kamay sa kaninuman, matatanggap niya ang Banal na Espiritu.” 20 Ngunit sinabi ni Pedro sa kaniya, “Ang iyong salapi nawa ay mapahamak na kasama mo sapagkat iniisip mong mabibili ang kaloob ng Diyos sa pamamagitan ng mga salapi! 21 Wala kang bahagi, ni karapatan man sa bagay na ito sapagkat ang puso mo ay hindi matuwid sa harap ng Diyos. 22 Kaya nga magsisi ka sa kasamaan mong ito at magsumamo ka sa Diyos, baka sakaling patatawarin ka sa hangarin ng iyong puso 23 sapagkat nakikita kong ikaw ay nasa apdo ng kapaitan at gapos ng kalikuan.” 24 Sumagot si Simon at kaniyang sinabi, “Manalangin kayo sa Panginoon alang-alang sa akin upang huwag mangyari sa akin ang alinman sa mga sinabi ninyo.” 25 Kaya nga, nang nakapagpatotoo sila at nagpahayag ng salita ng Panginoon, sila ay bumalik sa Jerusalem at ipinangaral nila ang ebanghelyo sa maraming nayon ng mga taga-Samaria. 26 At ang anghel ng Panginoon ay nagsalita kay Felipe na sinasabi, “Tumindig ka at pumaroon ka patungong timog, sa daang pababa mula sa Jerusalem hanggang sa Gaza.” Ito ay ilang na dako. 27 Siya ay tumindig at pumaroon, at narito, isang lalaking taga-Etiopia, isang makapangyarihang kapon na namamahala sa lahat ng kayamanan ni Candace na reyna ng mga taga-Etiopia, ay pumaroon sa Jerusalem upang sumamba 28 at siya ay pabalik na. At habang siya ay nakaupo sa kaniyang karwahe, binabasa niya ang propetang Isaias. 29 Sinabi ng Espiritu kay Felipe, “Lumapit ka at sumama ka sa karwaheng ito.” 30 At nang tumakbong papalapit si Felipe, narinig niyang binabasa nito ang propetang Isaias. At sinabi niya, “Nauunawaan mo bang lubos ang iyong binabasa?” 31 Ngunit sinabi niya, “Papaano ko mauunawaan kung walang sinumang gagabay sa akin?” Kaya pinakiusapan niya si Felipe na umakyat upang umupong kasama niya. 32 Ang nilalaman ng Kasulatan na binabasa niya ay ito, “Siya ay dinala katulad ng tupa sa katayan at katulad ng kordero na walang imik sa harap ng kaniyang manggugupit. Sa ganoong paraan ay hindi niya ibinuka ang kaniyang bibig. 33 Sa kaniyang pagpapakumbaba, ipinagkait sa kaniya ang katarungan. Sino ang maghahayag ng kaniyang lahi? Sapagkat ang kaniyang buhay ay inalis sa lupa.” Isa 53:7-8 34 Nang sumagot ang kapon kay Felipe, sinabi niya, “Isinasamo ko sa iyo, patungkol kanino itong sinasabi ng propeta? Patungkol ba sa kaniyang sarili o patungkol sa iba?” 35 Pagkatapos nito ibinuka ni Felipe ang kaniyang bibig. At simula sa Kasulatang ito, ipinangaral niya ang ebanghelyo ni Jesus sa kaniya. 36 At habang sila ay nasa daan, nakarating sila sa dakong may tubig at sinabi ng kapon, “Tingnan mo, may tubig! Ano ang humahadlang upang ako ay mabawtismuhan?” 37 Ngunit sinabi ni Felipe, “Kung sumasampalataya ka ng buong puso ay maaari kang bawtismuhan.” At siya ay sumagot at sinabi, “Sumasampalataya ako na si Jesu-Cristo ay ang Anak ng Diyos.” 38 Kaya iniutos niya na patigilin ang karwahe at lumusong sila sa tubig, kapwa si Felipe at ang kapon, at siya ay kaniyang binawtismuhan. 39 Ngunit nang umahon sila mula sa tubig, si Felipe ay inagaw ng Espiritu ng Panginoon at hindi na siya nakita ng kapon kaya nagpatuloy ito sa kaniyang paglalakbay na nagagalak. 40 Subalit si Felipe ay natagpuan sa Azoto. At sa kaniyang paglalakbay, ipinapangaral niya ang ebanghelyo sa lahat ng mga lungsod hanggang sa makarating siya sa Cesarea. |
