1 Ang pahayag ni Jesu-Cristo, na ibinigay ng Diyos sa kaniya upang ipakita sa kaniyang mga alipin kung ano ang mga bagay na dapat mangyari sa lalong madaling panahon, ay ipinahiwatig niya sa pamamagitan ng pagsugo ng kaniyang anghel kay Juan na kaniyang alipin,2 na siyang sumaksi sa salita ng Diyos at sa patotoo ni Jesu-Cristo at sa anumang nakita niya.3 Pinagpala siya na nagbabasa at sila na nakikinig sa mga salita ng pahayag at sila na tumutupad sa mga bagay na nakasulat dito sapagkat ang panahon ay malapit na.4 Akong si Juan sa pitong iglesiya na nasa Asya: Sumainyo nawa ang biyaya at kapayapaang mula sa kaniya na siyang kasalukuyan at siyang nakaraan at siyang darating, at mula sa pitong Espiritu sa harapan ng kaniyang trono,5 at mula kay Jesu-Cristo, ang tapat na saksi, ang panganay mula sa mga patay at ang pinuno ng mga hari ng lupa. Sa kaniya na umibig sa atin at naghugas sa atin mula sa ating mga kasalanan sa pamamagitan ng kaniyang dugo,6 at gumawa sa atin na mga hari at mga saserdote sa kaniyang Diyos at Ama, sa kaniya nawa ang kaluwalhatian at ang kapangyarihan magpakailan pa man. Siya nawa.7 Narito, siya ay dumarating kasama ng mga ulap at siya ay makikita ng bawat mata at niyaong mga tumusok sa kaniya, at ang lahat ng mga lipi sa daigdig ay tatangis dahil sa kaniya. Oo! Siya nawa.8 Sinasabi ng Panginoon, “Ako ang Alpha at ang Omega, ang simula at ang wakas, ang siyang kasalukuyan at siyang nakaraan at siyang parating, ang Makapangyarihan sa lahat.”9 Ako si Juan, na inyo ring kapatid at kabahagi sa mga paghihirap at sa paghahari at sa pagtitiis ni Jesu-Cristo. Ako ay nasa pulo na tinatawag na Patmos dahil sa salita ng Diyos at dahil sa patotoo ni Jesu-Cristo.10 Ako ay nasa Espiritu sa Araw ng Panginoon at narinig ko sa aking likuran ang napakalakas na tinig na katulad sa tunog ng trumpeta,11 na nagsasabi, “Ako ang Alpha at ang Omega, ang una at ang huli,” at “Isulat mo sa isang aklat ang iyong nakikita at ipadala sa pitong iglesiya na nasa Asya: sa Efeso, sa Esmirna, sa Pergamos, sa Tiyatira, sa Sardis, sa Filadelfia at sa Laodicea.”12 At ako ay lumingon upang kilalanin ang tinig na nagsalita sa akin. Sa aking paglingon ay nakita ko ang pitong gintong lalagyan ng ilawan,13 at sa gitna ng pitong lalagyan ng ilawan ang katulad sa Anak ng Tao na nakasuot ng kasuotang abot sa paa at nakabigkis ng gintong pamigkis sa bandang mga dibdib.14 Ang kaniyang ulo at ang kaniyang mga buhok ay katulad ng maputing balahibo ng tupa na kasimputi ng niyebe, at ang kaniyang mga mata ay katulad ng alab ng apoy.15 Ang kaniyang mga paa ay katulad ng makinang na tanso na tulad ng sinilaban sa pugon, at ang kaniyang tinig ay katulad ng tunog ng maraming tubig.16 Siya ay nagtataglay ng pitong bituin sa kaniyang kanang kamay at mula sa kaniyang bibig ay lumalabas ang matalas na tabak na may dalawang-talim at ang kaniyang mukha ay katulad ng araw na sumisikat ng matindi.17 At nang siya ay nakita ko, ako ay bumagsak sa kaniyang paanan na parang patay at ipinatong niya sa akin ang kaniyang kanang kamay na sinasabi sa akin, “Huwag kang matakot. Ako ang una at ang huli.18 Ako yaong nabubuhay at ako ay namatay, ngunit narito, ako ay nabubuhay magpakailan pa man. Siya nawa. Ako ang nagtataglay ng mga susi ng Hades at ng Kamatayan.19 Isulat mo ang mga bagay na iyong nakita at ang mga bagay sa kasalukuyan at ang mga bagay na mangyayari pagkatapos nito.20 Ang hiwaga ng pitong bituin na iyong nakita sa aking kanang kamay at ang pitong gintong lalagyan ng ilawan: ang pitong bituin ay ang mga anghel ng pitong iglesiya at ang pitong gintong lalagyan ng ilawan na iyong nakita ay ang pitong iglesiya.”
Revelation 21
1 At nakita ko ang isang bagong langit at ang isang bagong lupa, sapagkat ang unang langit at ang unang lupa ay lumipas na at ang dagat ay wala na.2 At ako, si Juan, nakita ko ang banal na lungsod, ang bagong Jerusalem, na bumababang nagmula sa Diyos mula sa langit na nakahanda katulad ng isang babaing ikakasal na ginayakan para sa kaniyang asawa.3 Narinig ko ang isang malakas na tinig mula sa langit, na sinasabi, “Narito, ang tabernakulo ng Diyos ay nasa mga tao at siya ay mananahang kasama nila, at sila ay magiging kaniyang bayan at siya mismo ang magiging Diyos na kasama nila at magiging kanilang Diyos.4 At papahirin ng Diyos ang bawat luha sa kanilang mga mata at mawawala na ang kamatayan, ang pagluluksa, ang pag-iyak at ang pagkahapis sapagkat ang naunang mga bagay ay lumipas na.” Isa 25:85 At siya na nakaupo sa trono ay nagsabi, “Narito, ginawa kong bago ang lahat ng mga bagay.” At sinabi niya sa akin, “Isulat mo, sapagkat ang mga salitang ito ay totoo at matapat.”6 At sinabi niya sa akin, “Ang lahat ay naganap na. Ako ang Alpha at ang Omega, ang simula at ang wakas. Ako ang magbibigay ng tubig ng buhay na walang bayad mula sa bukal sa kaniya na nauuhaw.7 Siya na mapagtagumpay ay magmamana ng lahat ng mga bagay, at ako ay magiging kaniyang Diyos at siya ay magiging aking anak.8 Ngunit sa mga natatakot, sa mga hindi nananampalataya, sa mga kasuklam-suklam, sa mga mamamatay-tao, sa mga mapakiapid, sa mga manggagaway, sa mga sumasamba sa diyos-diyosan at sa lahat ng mga sinungaling, ang kanilang bahagi ay sa lawa na nagniningas sa apoy at asupre. Ito ang ikalawang kamatayan.”9 At ang isa sa pitong anghel na nagtataglay ng pitong mangkok na punung-puno ng pitong huling mga salot ay pumunta sa akin at siya ay nagsalita sa akin na sinasabi, “Halika, ipapakita ko sa iyo ang babaing ikakasal, ang asawa ng Kordero.”10 At ako ay dinala niya sa pamamagitan ng Espiritu patungo sa isang dakila at mataas na bundok, at ipinakita niya sa akin ang dakilang lungsod, ang banal na Jerusalem na bumababa mula sa langit, na nagmula sa Diyos,11 na tinataglay ang kaluwalhatian ng Diyos, at ang kaniyang liwanag ay katulad sa isang napakahalagang batong katulad ng isang kristal na batong haspe.12 Ito ay mayroon ding malaki at mataas na pader na may labindalawang tarangkahan at sa mga tarangkahan ay may labindalawang mga anghel, at doon ay may nakaukit na mga pangalan ng labindalawang lipi ng mga anak ni Israel.13 Sa bahaging silangan ay tatlong tarangkahan, sa bahaging hilaga ay tatlong tarangkahan, sa bahaging timog ay tatlong tarangkahan at sa bahaging kanluran ay tatlong tarangkahan.14 At ang pader ng lungsod ay may labindalawang saligan at ang labindalawang pangalan ng mga apostol ng Kordero ay nasa kanila.15 At siya na nagsalita sa akin ay may isang gintong panukat upang kaniyang sukatin ang lungsod at ang mga tarangkahan nito at ang pader nito.16 At ang lungsod ay nakalatag sa parisukat at kung gaano ang haba nito ay gayundin ang lawak nito. At sa pamamagitan ng panukat ay kaniyang sinukat ang lungsod: labindalawang libong estadya°. Ang haba, ang luwang at ang taas nito ay magkakasing-sukat.17 At kaniyang sinukat ang pader nito: isandaan at apatnapu't apat na siko°, ayon sa sukat ng tao, na sukat din ng anghel.18 At ang pader nito ay yari sa batong haspe at ang lungsod ay dalisay na ginto katulad ng malinaw na salamin.19 At ang mga saligan ng pader ng lungsod ay nagayakan ng lahat ng uri ng mga mahalagang bato: ang una ay batong haspe, ang pangalawa ay batong sapiro, ang pangatlo ay batong kalsedoniya, ang pang-apat ay batong esmeralda,20 ang panlima ay batong onise, ang pang-anim ay batong kornalina, ang pangpito ay batong krisolito, ang pangwalo ay batong berilo, ang pangsiyam ay batong topas, ang pangsampu ay batong krisopraso, ang panlabing-isa ay batong hasinto at ang panlabindalawa ay batong amatista.21 At ang labindalawang tarangkahan ay labindalawang perlas: ang bawat isang tarangkahan ay yari sa perlas at ang lansangan ng lungsod ay dalisay na ginto katulad ng salaming nalalagos ng paningin.22 At ako ay walang nakitang banal na dako sa lungsod sapagkat ang Panginoong Diyos na Makapangyarihan sa lahat at ang Kordero ay ang banal na dako nito.23 At ang lungsod ay hindi nangangailangan ng araw o ng buwan upang magliwanag doon sapagkat ang kaluwalhatian ng Diyos ang nagliliwanag sa lungsod at ang Kordero ang ilawan nito.24 At ang mga bansa niyaong mga iniligtas ay maglalakad sa liwanag nito at dinadala rito ng mga hari ng daigdig ang kanilang kaluwalhatian at karangalan.25 At ang mga tarangkahan ng lungsod ay hinding-hindi maisasara sa araw sapagkat wala ng gabi roon.26 At kanilang dadalhin ang kaluwalhatian at karangalan ng mga bansa sa lungsod.27 At kailanman ay hindi makakapasok doon ang anumang marumi at ang sinumang gumagawa ng kasuklam-suklam at ng kasinungalingan kundi yaong ang mga pangalan ay nakasulat sa aklat ng buhay ng Kordero.
