13 Walang pagsubok na dumating sa inyo maliban sa karaniwang pagsubok sa tao, ngunit ang Diyos ay matapat na hindi niya pababayaang kayo ay subukin nang higit sa makakaya ninyo. Subalit kasabay rin ng pagsubok ay gagawa siya ng paraan para makaligtas kayo upang makayanan ninyo itong batahin.
1 Corinthians 10
31 Kaya kung kayo man ay kumakain, o umiinom o gumagawa ng anuman, gawin ninyo ang lahat para sa kaluwalhatian ng Diyos.
1 Corinthians 6
19 At hindi ba ninyo alam na ang inyong katawan ay banal na dako ng templo ng Banal na Espiritu na nasa inyo at ito ay tinanggap ninyo mula sa Diyos at kayo ay hindi sa inyong sarili?20 Dahil kayo ay binili sa halaga, luwalhatiin nga ninyo ang Diyos sa inyong katawan at sa inyong espiritu na pag-aari ng Diyos.
Daniel 1
12 Ipinamamanhik ko sa iyo, na subukin mo ang iyong mga lingkod, na sangpung araw; at bigyan kami ng mga gulay na makain, at tubig na mainom.13 Kung magkagayo'y masdan mo ang aming mga mukha sa harap mo, at ang mukha ng mga binata na nagsisikain ng pagkain ng hari; at ayon sa iyong makikita ay gawin mo sa iyong mga lingkod.14 Sa gayo'y dininig niya sila sa bagay na ito, at sinubok niya sila na sangpung araw.15 At sa katapusan ng sangpung araw ay napakitang lalong maganda ang kanilang mga mukha, at sila'y lalong mataba sa laman kay sa lahat na binata na nagsisikain ng pagkain ng hari.
Genesis 1
29 At sinabi ng Dios, Narito, ibinigay ko sa inyo ang bawa't pananim na nagkakabinhi, na nasa ibabaw ng balat ng lupa, at ang bawa't punong kahoy na may bunga ng punong kahoy na nagkakabinhi; sa inyo'y magiging pagkain:
