27 Pagkatapos ng mga bagay na ito, si Jesus ay umalis at nakita niya ang isang maniningil ng buwis na ang pangalan ay Levi na nakaupo sa tanggapan ng buwis. Sinabi ni Jesus sa kaniya, “Sumunod ka sa akin.”28 Kaya iniwanan niya ang lahat at tumindig at sumunod sa kaniya.29 At si Levi ay naghanda ng isang malaking piging sa kaniyang bahay para kay Jesus, at naroroon ang lubhang maraming maniningil ng buwis at iba pang nakaupong kasalo nila.30 At ang kanilang mga eskriba at ang mga Fariseo ay nagbulung-bulungan laban sa kaniyang mga alagad na sinasabi, “Bakit kayo kumakain at umiinom kasama ng mga maniningil ng buwis at ng mga makasalanan?”31 Ngunit si Jesus ay sumagot na sinabi sa kanila, “Sila na mga walang sakit ay hindi nangangailangan ng manggagamot kundi sila na mga maysakit.32 Hindi ako naparito upang tawagin ang mga matuwid kundi ang mga makasalanan sa pagsisisi.”
Mark 2
13 Nagtungo muli si Jesus sa tabi ng lawa at lahat ng mga tao ay pumunta sa kaniya at sila ay tinuruan niya.14 Sa kaniyang paglalakad, nakita niya si Levi, na anak ni Alfeo, na nakaupo sa pinagbabayaran ng buwis. Sinabi sa kaniya ni Jesus, “Sumunod ka sa akin.” Kaya tumindig siya at sumunod kay Jesus.15 Nangyari nga nang si Jesus ay kumain sa bahay ni Levi, maraming maniningil ng buwis at makasalanan ang nakisalo sa kaniya at sa kaniyang mga alagad. Kaya marami ang sumunod kay Jesus.16 Nang nakita ng mga eskriba at ng mga Fariseo na siya ay kumakaing kasalo ng mga maniningil ng buwis at ng mga makasalanan, sinabi nila sa kaniyang mga alagad, “Bakit siya kumakain at umiinom na kasalo ang mga maniningil ng buwis at mga makasalanan?”17 Nang narinig ito ni Jesus, sinabi niya sa kanila, “Hindi nangangailangan ng manggagamot ang mga walang sakit, kundi ang mga maysakit. Hindi ako naparito upang tawagin ang mga matuwid, kundi ang mga makasalanan sa pagsisisi.”
Matthew 9
9 At habang si Jesus ay naglalakad mula roon, nakita niya ang isang lalaki na tinatawag na Mateo na nakaupo sa paningilan ng buwis. At sinabi ni Jesus sa kaniya, “Sumunod ka sa akin.” At siya ay tumindig at sumunod sa kaniya.10 At nangyari, nang si Jesus ay nakadulog sa hapag-kainan sa isang bahay, narito, dumating ang maraming mga maniningil ng buwis at mga makasalanan. Sila ay dumulog sa hapag-kainan kasama ni Jesus at ng kaniyang mga alagad.11 Nang nakita ito ng mga Fariseo, sinabi nila sa kaniyang mga alagad, “Bakit ang inyong Guro ay kumakaing kasalo ng mga maniningil ng buwis at ng mga makasalanan?”12 Ngunit nang narinig iyon ni Jesus ay sinabi niya sa kanila, “Ang mga walang sakit ay hindi nangangailangan ng manggagamot kundi ang mga maysakit.13 Subalit humayo kayo at pag-aralan ninyo kung ano ang kahulugan nito, ‘Habag ang ninanais ko at hindi hain’ Ose 6:6 sapagkat ako ay hindi pumarito upang tawagin ang mga matuwid, kundi ang mga makasalanan sa pagsisisi.”
