Mga salot
| Secondary Keywords | anghel huli ibuhos pito profetia rutto |
|---|---|
| Mga Banal na Kasulatan | Revelation 151 At nakita ko ang isa pang dakila at kamangha-manghang tanda sa langit. May pitong anghel na tinataglay ang pitong huling salot sapagkat sa pamamagitan ng mga ito ay magaganap ang poot ng Diyos. Revelation 155 At pagkatapos ng mga bagay na ito ay nakita ko, at narito, ang banal na dako, na siyang tabernakulo ng patotoo sa langit ay nabuksan. 6 At lumabas mula sa banal na dako ang pitong anghel na tinataglay ang pitong salot. Sila ay nadaramtan ng malinis at maningning na lino at may nakabigkis na mga gintong pamigkis sa mga dibdib. 7 At ang isa sa mga apat na buhay na nilalang ay nagbigay sa pitong anghel ng pitong gintong mangkok na punung-puno ng poot ng Diyos na siyang nabubuhay magpakailan pa man. 8 At ang banal na dako ay napuno ng usok na nagmula sa kaluwalhatian ng Diyos at nagmula sa kaniyang kapangyarihan, at walang sinumang makakapasok sa banal na dako hanggang sa matapos ang pitong salot ng pitong mga anghel. Revelation 161 At narinig ko ang isang malakas na tinig mula sa banal na dako, na sinasabi sa pitong anghel, “Humayo kayo at ibuhos ninyo sa daigdig ang mga mangkok ng poot ng Diyos.” 2 At ang unang anghel ay umalis at kaniyang ibinuhos ang kaniyang mangkok sa daigdig at naging napakasama at napakalala na sugat sa mga tao, sa kanila na mayroong tatak ng mabangis na hayop at sa kanila na sumasamba sa kaniyang larawan. 3 At ibinuhos ng pangalawang anghel ang kaniyang mangkok sa dagat at ito ay naging dugo, katulad ng dugo ng isang patay at ang lahat ng mga nabubuhay na nilalang sa dagat ay namatay. 4 At ibinuhos ng pangatlong anghel ang kaniyang mangkok sa mga ilog at sa mga bukal ng mga tubig at ito ay naging dugo. 5 At narinig ko ang anghel ng mga tubig, na nagsasabi, “Panginoon, ikaw ay matuwid, ikaw ang siyang kasalukuyan at ang siyang nakaraan at ang siyang darating sapagkat ang mga bagay na ito ay iyong hinatulan 6 dahil pinadanak nila ang dugo ng iyong mga banal at mga propeta, at sila ay binigyan mo ng dugo upang inumin sapagkat sila ay karapat-dapat.” 7 At narinig ko ang isa pang anghel mula sa dambana, na nagsasabi, “Oo, Panginoong Diyos na Makapangyarihan sa lahat, ang iyong mga kahatulan ay totoo at matuwid.” 8 Ibinuhos ng pang-apat na anghel ang kaniyang mangkok sa araw at ibinigay sa kaniya ang pagsunog sa mga tao sa pamamagitan ng apoy. 9 At ang mga tao ay nasunog ng matinding init, ngunit nilapastangan nila ang pangalan ng Diyos na siyang may kapamahalaan sa mga salot na ito at sila ay hindi nagsisi upang magbigay ng kaluwalhatian sa kaniya. 10 At ibinuhos ng panglimang anghel ang kaniyang mangkok sa luklukan ng mabangis na hayop, at ang kaniyang paghahari ay naging kadiliman kaya nginangatngat ng mga tao ang kanilang mga dila dahil sa matinding sakit, 11 at kanilang nilapastangan ang Diyos ng langit dahil sa matinding sakit at dahil sa kanilang mga sugat, at hindi sila nagsisi mula sa kanilang mga gawa. 12 At ibinuhos ng pang-anim na anghel ang kaniyang mangkok sa dakilang ilog ng Eufrates at ang tubig nito ay natuyo upang maihanda ang daan ng mga haring mula kung saan sumisikat ang araw. 13 At nakita ko ang tatlong karumal-dumal na espiritu na katulad ng mga palaka mula sa bibig ng dragon at mula sa bibig ng mabangis na hayop at mula sa bibig ng bulaang propeta, 14 sapagkat sila ang mga espiritu ng mga demonyo, na gumagawa ng mga tanda, na lumabas patungo sa mga hari ng daigdig at ng buong sanlibutan upang sila ay tipuning sama-sama para sa digmaan ng dakilang araw na iyon ng Diyos na Makapangyarihan sa lahat. 15 “Narito, ako ay dumarating katulad ng isang magnanakaw. Pinagpala siya na nagbabantay at nag-iingat ng kaniyang mga damit upang siya ay hindi lalakad na hubad at makikita nila ang kaniyang kahihiyan.” 16 At sila ay kaniyang tinipong sama-sama sa dakong tinatawag na Armagedon sa wikang Hebreo. 17 At ibinuhos ng pampitong anghel ang kaniyang mangkok sa hangin at isang malakas na tinig ang lumabas mula sa banal na dako ng langit, mula sa trono, na sinasabi, “Naganap na!” 18 At nagkaroon ng mga tinig at mga kulog at mga kidlat, at nagkaroon ng malakas na lindol na wala pang naganap na katulad nito simula ng nagkaroon ng tao sa daigdig, lindol na napakatindi at napakalakas. 19 At ang dakilang lungsod ay nahati sa tatlong bahagi at ang mga lungsod ng mga bansa ay bumagsak, at ang dakilang Babilonia ay naalala sa harapan ng Diyos upang ibigay sa kaniya ang saro ng alak ng matinding galit ng kaniyang poot. 20 At ang bawat pulo ay naglaho at ang mga bundok ay hindi nakita. 21 At ang malaking ulan ng yelo na kasing bigat ng isang talento° ay bumagsak sa mga tao mula sa langit, kaya nilapastangan ng mga tao ang Diyos dahil sa salot ng ulan ng yelo sapagkat ang salot nito ay lubhang matindi. |
