vastikään kastettu
| Avainsanat | Anteeksianto Anteeksianto iloa Kaste Kastettu Miehet miehet Pastor yakap yakapin |
|---|---|
| Secondary Keywords | dalawa Huggings Mies puhdasta puhdasta Puhdistaa Veljet veljet Ystävä ystävä |
| Tertiary Keywords | bumati haudattu Ihmiset ihmiset |
| Mga Banal na Kasulatan | 1 Peter 5 1 Thessalonians 5 2 Corinthians 13 3 John 1 |
1 Peter 51 Ang matatanda na nasa inyo ay pinagtatagubilinan ko bilang isa ring matanda at saksi sa mga paghihirap ni Cristo at kabahagi ng kaluwalhatiang malapit nang ihayag.2 Pangalagaan ninyo ang kawan ng Diyos na nasa inyo. Pangasiwaan ninyo sila nang hindi napipilitan kundi kusang-loob, hindi dahil sa masamang kapakinabangan kundi dahil sa kasiglahan,3 at hindi katulad ng mga namumuno na may pagkapanginoon sa nasasakupan ng Diyos kundi bilang huwaran ng kawan.4 At kapag ang Pangulong Pastol ay mahayag, kayo ay tatanggap ng putong ng kaluwalhatian na hindi kumukupas.5 Gayundin kayong mga kabataan, magpasakop kayo sa matatanda. Oo, ang lahat sa inyo ay magpasakop sa isa't isa. Isuot ninyo ang kapakumbabaan sapagkat “sinasalungat ng Diyos ang mga mapagmataas, ngunit siya ay nagbibigay ng biyaya sa mga mapagpakumbaba.” Kaw 3:346 Kaya magpakumbaba kayo sa ilalim ng makapangyarihang kamay ng Diyos upang kayo ay kaniyang itaas sa takdang panahon.7 Ilagak ninyo sa kaniya ang lahat ninyong kabalisahan sapagkat siya ay nagmamalasakit sa inyo.8 Mag-isip kayo ng maayos at magbantay kayo sapagkat ang diyablo na inyong kaaway ay katulad ng leon na umaatungal at umaali-aligid na naghahanap kung sino ang kaniyang malalamon.9 Makipaglaban kayo sa kaniya na may katatatagan ng pananampalataya dahil alam na ninyo na ang gayon ding pagdanas ng mga paghihirap ay nangyayari sa inyong mga kapatid na nasa sanlibutan.10 Ngunit ang Diyos ng lahat ng biyaya, na siyang tumawag sa atin patungo sa kaniyang walang hanggang kaluwalhatian kay Cristo Jesus, ang siya nawang magpaging-ganap sa inyo, magpatatag, magpalakas, at magpanatiling matatag sa inyo pagkatapos ninyong magdanas ng paghihirap sa maikling panahon.11 Sa kaniya ang kaluwalhatian at kapangyarihan magpakailan pa man. Siya nawa!12 Isinulat ko ang maikling liham na ito sa pamamagitan ni Silvano, na itinuturing kong matapat na kapatid, na isinasamo ko at pinatotohanan ko na ito ang totoong biyaya ng Diyos kung saan kayo nanindigan.13 Ang iglesiya na nasa Babilonia na piniling kasama ninyo, at si Marcos na aking anak, ay bumabati sa inyo.14 Magbatian kayo sa isa't isa ng halik ng pag-ibig. Ang kapayapaan ay sumainyo nawang lahat na na kay Cristo Jesus. Siya nawa. 1 Thessalonians 51 Ngunit, mga kapatid, hindi na kinakailangang sumulat ako sa inyo patungkol sa mga panahon at mga kapanahunan2 sapagkat kayo mismo ang lubos na nakaalam na ang Araw ng Panginoon ay dumarating katulad ng pagdating ng magnanakaw sa gabi.3 Dahil kapag sinasabi nila, “Kapayapaan at katiwasayan!” pagkatapos nito ay biglang darating sa kanila ang pagkawasak katulad ng pagkakaroon ng matinding paghihirap sa sinapupunan, at sila ay hindi makakatakas kailanman.4 Ngunit kayo, mga kapatid, ay wala sa kadiliman upang ang Araw na iyon ay biglang dumating sa inyo katulad ng pagdating ng magnanakaw.5 Kayong lahat ay mga anak ng liwanag at mga anak ng araw. Tayo ay hindi mga anak ng gabi o ng kadiliman.6 Kaya nga, huwag tayong matulog katulad ng iba, subalit tayo ay maging mapagbantay at maging maayos ang pag-iisip,7 sapagkat sila na mga natutulog ay natutulog sa gabi at sila na mga manginginom ng alak ay naglalasing sa gabi.8 Dahil tayo ay sa araw, dapat maging maayos ang ating pag-iisip habang nakasuot sa atin ang pandibdib na baluti ng pananampalataya at ang pag-ibig at ang helmet ng pag-asa ng kaligtasan,9 sapagkat tayo ay hindi itinalaga ng Diyos para sa poot kundi para magtamo ng kaligtasan sa pamamagitan ng ating Panginoong Jesu-Cristo10 na siyang namatay para sa atin upang tayo rin ay mabuhay na kasama niya, kahit tayo man ay gising o tayo man ay tulog.11 Dahil dito, palakasin ninyo ang loob ng bawat isa at patatagin ninyo ang isa't isa katulad din ng inyong ginagawa.12 Ngunit kami ay humihiling sa inyo, mga kapatid, na inyong kilalanin yaong mga nagpapagal sa inyo at nangunguna sa inyo sa Panginoon at nagbibigay ng babala sa inyo,13 at sila ay labis ninyong pahalagahan sa pag-ibig dahil sa kanilang gawa, at magkaroon kayo ng kapayapaan sa kalagitnaan ninyo.14 Ngunit kami ay sumasamo sa inyo, mga kapatid, bigyan ninyo ng babala ang mga suwail, palakasin ninyo ang loob ng mga nanglulupaypay, tulungan ninyo ang mahihina at magtiyaga kayo sa lahat.15 Ingatan ninyo na walang sinumang gaganti ng masama sa masama, sa halip ay palagi ninyong pagsikapan ang mabuti para sa isa't isa at para sa lahat.16 Magalak kayong palagi.17 Manalangin kayong walang patid.18 Magpasalamat kayo sa lahat ng bagay sapagkat ito ang kalooban ng Diyos kay Cristo Jesus para sa inyo.19 Huwag ninyong patayin ang ningas ng Espiritu.20 Huwag ninyong hamakin ang mga paghahayag.21 Suriin ninyo ang lahat ng mga bagay. Hawakan ninyo ang mabuti.22 Layuan ninyo ang lahat ng anyo ng kasamaan.23 Ngayon, ang Diyos mismo ng kapayapaan ang ganap na magpaging-banal nawa sa inyo, at ang inyong espiritu at kaluluwa at katawan ay maingatan nawang buo na walang kapintasan sa pagdating ng ating Panginoong Jesu-Cristo.24 Siya na tumatawag sa inyo ay matapat at siya rin ang gagawa nito.25 Mga kapatid, ipanalangin ninyo kami.26 Batiin ninyo ang lahat ng mga kapatid sa pamamagitan ng banal na halik.27 Iniuutos ko sa inyo sa pamamagitan ng Panginoon na basahin ang sulat na ito sa lahat ng banal na mga kapatid.28 Ang biyaya ng ating Panginoong Jesu-Cristo ay sumainyo. Siya nawa. 2 Corinthians 131 Ito ang ikatlong pagkakataon na ako ay pupunta sa inyo, “Sa bibig ng dalawa o tatlong saksi ay mapapagtibay ang bawat salita.” Deu 19:152 Sinabi ko na sa inyo noong una at aking ipinapaunang‑sabi kagaya nang ako ay kaharap ninyo sa ikalawang pagkakataon, ngayong ako ay wala sa inyo, sumusulat ako sa mga nagkasala noon at sa lahat ng iba pa, upang kapag ako ay muling pumariyan, ako ay hindi magtitimpi.3 Yamang kayo ay naghahanap ng katibayan na nagsasalita sa akin si Cristo, na para sa inyo ay hindi nagiging mahina sa halip ay nagiging makapangyarihan sa inyo,4 sapagkat kahit na siya ay ipinako sa krus sa pamamagitan ng kahinaan, gayunpaman siya ay nabubuhay sa pamamagitan ng kapangyarihan ng Diyos. Dahil nanghihina rin tayo sa kaniya, gayumpaman tayo ay mabubuhay na kasama niya sa pamamagitan ng kapangyarihan ng Diyos na sumasa inyo.5 Suriin ninyo ang inyong mga sarili kung kayo ay nasa pananampalataya. Subukin ninyo ang inyong mga sarili. Hindi ba ninyo nakikilala ang inyong mga sarili na si Jesu-Cristo ay nasa inyo, maliban na kayo ay mga bagsak sa pagsubok?6 Ngunit ako ay umaasa na inyong malalaman na tayo ay hindi mga bagsak sa pagsubok.7 Kaya idinadalangin ko sa Diyos na huwag kayong gumawa ng anumang masama, hindi upang kami ay mahayag na katanggap-tanggap, kundi upang inyong magawa ang mabuti kahit na kami ay maitutulad sa mga bagsak sa pagsubok,8 sapagkat wala kaming anumang makakaya laban sa katotohanan kundi para sa katotohanan,9 dahil kami ay nagagalak kapag kami ay nanghihina, kayo naman ay nagiging malalakas. At ito rin ang aming idinadalangin, ang inyong pagiging-ganap.10 Dahil dito, yamang ako ay wala sa inyo, isinusulat ko ang mga bagay na ito upang kapag ako ay kaharap ninyo, ako ay hindi gagamit ng kabagsikan ayon sa ibinigay ng Panginoon sa akin na kapamahalaan para sa ikatitibay at hindi sa ikababagsak.11 Sa katapusan, mga kapatid, magalak kayo, maging ganap kayo, magkaroon kayo ng kaaliwan, magkaisa kayo ng pag‑iisip, mamuhay kayo nang payapa, at ang Diyos ng pag‑ibig at ng kapayapaan ang sasainyo.12 Batiin ninyo ng banal na halik ang isa't isa.13 Ang lahat ng mga banal ay bumabati sa inyo.14 Ang biyaya ng Panginoong Jesu-Cristo at ang pag-ibig ng Diyos at ang pakikipag-isa ng Banal na Espiritu ang sumainyong lahat. Siya nawa! 3 John 11 Ang Matanda, Sa minamahal na Gayo na aking iniibig sa katotohanan.2 Minamahal, hinahangad ko na sumagana ka sa lahat ng mga bagay at maging malusog tulad ng pinasasagana ang iyong kaluluwa.3 Sapagkat labis akong nagalak sa pagdating ng mga kapatid at sa pagpapatotoo patungkol sa katotohanan na nasa iyo, kung paano ka lumalakad sa katotohanan.4 Wala nang higit pang kagalakang mayroon ako na aking marinig na ang aking mga anak ay lumalakad sa katotohanan.5 Minamahal, buong katapatan mong ginagawa ang anuman kapag ginagawa mo ang mga ito sa mga kapatid at sa mga dayuhan.6 Sila ang nagpatotoo sa iyong pag-ibig sa harap ng iglesiya. Yaong gagawin mong pagpapahayo sa kanila na karapat-dapat sa Diyos ay mabuti7 sapagkat alang-alang sa kaniyang pangalan, sila ay humayo na walang kinuhang anuman sa mga Gentil.8 Kaya nga, dapat nating tanggapin ang mga katulad nila upang tayo ay maging mga kamanggagawa sa katotohanan.9 Sumulat ako sa iglesiya, ngunit hindi kami tinatanggap ni Diotrefes na nagnanais na maging pinakamataas sa kanila.10 Dahil dito, kapag ako ay makapariyan, ipapaalala ko ang mga gawa na kaniyang ginagawa, ang masasamang salita na kaniyang ipinaratang patungkol sa amin. At hindi pa siya nasiyahan sa mga ito, hindi niya tinatanggap ang mga kapatid at pinagbabawalan yaong mga nagnanais tumanggap sa kanila at itinataboy sila mula sa iglesiya.11 Minamahal, huwag ninyong tularan ang masama kundi ang mabuti. Siya na gumagawa ng mabuti ay mula sa Diyos, ngunit siya na gumagawa ng masama ay hindi pa nakakakita sa Diyos.12 Maganda ang patotoo ng lahat patungkol kay Demetrio at ito ay sa pamamagitan mismo ng katotohanan. At kami rin ay nagpapatotoo at alam ninyo na ang aming patotoo ay totoo.13 Maraming mga bagay akong isusulat ngunit hindi ko ninanais na sumulat sa iyo sa pamamagitan ng tinta at panulat.14 Gayunpaman umaasa ako na makikita kita kaagad at mag-uusap tayo ng harapan. Kapayapaan ang sumaiyo. Binabati ka ng ating mga kaibigan. Batiin mo ang mga kaibigan ayon sa kanilang pangalan. | |
