Si Pablo at Onesimo
| Secondary Keywords | pagsulat pahimakas Paul Roma Si Onesimo titik Uusi uusi uusi |
|---|---|
| Mga Banal na Kasulatan | Colossians 41 Mga panginoon, ibigay ninyo sa inyong mga alipin kung ano ang makatarungan at kung ano ang nararapat, yamang nalalaman ninyo na kayo ay mayroon ding Panginoon sa langit. 2 Maging masigasig kayo sa pananalangin na binabantayan ito na may pagpapasalamat. 3 Sa ganitong pagkakataon ay ipanalangin din ninyo kami na magbukas ang Diyos ng pinto sa amin para sa salita upang ipahayag ang hiwaga ni Cristo, ito rin ang dahilan na ako ay ibinilanggo 4 upang maipahayag ko ito kagaya ng nararapat kong sabihin. 5 Lumakad kayong may karunungan sa kanila na mga nasa labas at samantalahin ninyo ang panahon. 6 Ang inyong pananalita ay dapat palaging may biyaya, may lasang asin upang malaman ninyo kung paano kayo nararapat sumagot sa bawat isa. 7 Si Tiquico, ang minamahal na kapatid at ang tapat na tagapaglingkod at kapwa alipin sa Panginoon, ang magbabalita sa inyo ng lahat ng patungkol sa akin. 8 Siya ang aking isinugo sa inyo para sa gayunding layunin upang malaman niya ang patungkol sa inyo at pasiglahin niya ang inyong mga puso. 9 Kasama niya si Onesimo, ang tapat at minamahal na kapatid na nanggaling sa inyo. Ibabalita nila sa inyo ang lahat ng mga nangyayari rito. 10 Binabati kayo ni Aristarco na kapwa ko bilanggo, at ng pinsan ni Bernabe na si Marcos (patungkol sa kaniya ay tumanggap kayo ng mga tagubilin, kung siya ay darating, tanggapin ninyo siya), 11 at ni Jesus na tinatawag na Justo, na nasa mga pagtutuli. Sila lamang ang mga kamanggagawa ko sa paghahari ng Diyos, na naging kaaliwan sa akin. 12 Binabati kayo ni Epafras na galing sa inyo. Siya ay alipin ni Cristo na palaging nagsisikap sa panalangin alang-alang sa inyo upang kayo ay makapanindigang ganap at maging puspos sa lahat ng kalooban ng Diyos. 13 Sapagkat ako ay nagpapatotoo para sa kaniya na siya ay may kasigasigan para sa inyo at sa kanila na mga taga-Laodicea at sa kanila na mga taga-Hierapolis. 14 Binabati kayo ni Lucas na minamahal na manggagamot, at ni Demas. 15 Batiin ninyo ang mga kapatid na nasa Laodicea, gayundin si Nimfa at ang iglesiya na nagtitipon sa kaniyang bahay. 16 At kapag ang sulat na ito ay mabasa sa inyo, ipabasa rin ninyo ito sa iglesiya sa Laodicea, upang mabasa rin ninyo ang sulat na galing sa Laodicea. 17 Sabihin ninyo kay Arquipo, “Pag-ingatan mo ang paglilingkod na tinanggap mo sa Panginoon upang ito ay iyong magampanan.” 18 Si Pablo, sulat-kamay ko ang pagbating ito. Alalahanin ninyo ang aking mga pagkatanikala. Ang biyaya ay sumainyo. Siya nawa. Philemon 11 Si Pablo, ang bilanggo ni Cristo Jesus, at si Timoteo na ating kapatid, kay Filemon na aming minamahal at aming kamanggagawa, 2 at kay Apia na aming minamahal, at kay Arquipo na aming kapwa kawal at sa iglesiya na nasa iyong bahay, 3 sumainyo ang biyaya at kapayapaang mula sa Diyos na ating Ama at sa Panginoong Jesu-Cristo. 4 Nagpapasalamat ako sa aking Diyos na palagi kitang binabanggit sa aking mga panalangin, 5 sapagkat nabalitaan ko ang iyong tinataglay na pag-ibig at ang pananampalataya sa Panginoong Jesus, na nasa lahat din ng banal. 6 Ang panalangin ko ay upang ang pakikipag-isa ng iyong pananampalataya ay maging mabisa sa pamamagitan ng lubos na pagkakilala ng bawat mabubuting bagay na nasa inyo para kay Cristo Jesus, 7 sapagkat kami ay nagkaroon ng lubos na kagalakan at lakas ng loob dahil sa iyong pag-ibig dahil ang kalooban ng mga banal ay naginhawaan sa pamamagitan mo, kapatid. 8 Sa pamamagitan nito, bagaman ako ay mayroong lubos na lakas ng loob kay Cristo upang utusan kitang gawin ang nararapat, 9 ako ay lalong nagsusumamo sa iyo dahil sa pag-ibig, bilang si Pablo na matanda na at ngayon ay bilanggo rin ni Jesu-Cristo. 10 Ako ay sumasamo sa iyo patungkol sa aking anak na si Onesimo, na naging anak ko sa pananampalataya habang ako ay nakabilanggo, 11 na dating hindi kapaki-pakinabang sa iyo ngunit ngayon ay kapaki-pakinabang sa iyo at sa akin. 12 Siya ay muli kong pinabalik sa iyo, kaya siya ay tanggapin mo sa iyong sarili nang katulad sa aking kalooban. 13 Ninanais ko na siya ay manatili sa akin upang siya ay makapaglingkod sa akin bilang kapalit mo habang ako ay nakabilanggo dahil sa ebanghelyo. 14 Ngunit kung wala kang pahintulot, hindi ko nais gumawa ng anuman upang ang iyong kabutihan ay hindi maging sapilitan kundi kusang-loob. 15 Marahil dahil dito, siya ay napahiwalay sa iyo nang ilang panahon upang siya ay mapasaiyo nang habang panahon, 16 hindi na kagaya lang ng isang alipin kundi higit pa sa alipin, isang kapatid na higit kong minamahal, ngunit lalong higit sa iyo dahil sa laman at dahil sa Panginoon. 17 Kaya yamang itinuturing mo ako bilang kasama, tanggapin mo siya sa iyong sarili na parang ako, 18 ngunit kung siya ay nagkasala sa iyo sa anumang bagay o nagkautang, ito ay ibilang mo sa akin. 19 Akong si Pablo ang sumulat nito sa pamamagitan ng sarili kong kamay, ako ang magbabayad nito upang hindi ko masabi sa iyo na kahit ang iyong buhay ay utang mo sa akin. 20 Oo kapatid, ako nawa ay magkaroon ng kapakinabangan sa iyo dahil sa Panginoon. Pasiglahin mo ang aking kalooban sa Panginoon. 21 Sumulat ako sa iyo dahil tiyak ko ang iyong pagsunod at alam kong gagawin mo rin ang higit pa sa aking sinabi. 22 Gayundin naman, ipaghanda mo ako ng matutuluyan sapagkat ako ay umaasa na sa pamamagitan ng iyong mga panalangin ay ipagkakaloob ako sa iyo. 23 Binabati ka ni Epafras, na kapwa ko bilanggo kay Cristo Jesus, 24 nina Marcos, Aristarco, Demas at Lucas na aking mga kamanggagawa. 25 Sumainyong espiritu ang biyaya ng ating Panginoong Jesu-Cristo. Siya nawa. |
