Temppelin

1 Thessalonians 3

1 Kaya nang kami ay hindi na makatiis, minabuti namin na maiwan na lang sa Atenas.2 Ngunit isinugo namin si Timoteo na ating kapatid at tagapaglingkod ng Diyos at aming kamanggagawa sa ebanghelyo ni Cristo, upang kayo ay patatagin at palakasin ang inyong loob patungkol sa inyong pananampalataya3 nang sa gayon ay hindi matinag ang sinuman sa pamamagitan ng mga paghihirap na ito sapagkat kayo mismo ang nakaalam na kami ay itinalaga sa bagay na ito.4 Dahil nang kami ay kasama ninyo, ipinapaunang-sabi namin sa inyo na kami ay malapit nang magbata ng kahirapan at alam din ninyo kung paano ito nangyari.5 Kung kaya, nang ako ay hindi na rin makatiis, ako ay nagsugo upang malaman ang inyong pananampalataya, baka sa anumang paraan ay tinutukso kayo niyaong manunukso at maging walang kabuluhan ang aming pagpapagal.6 Ngunit ngayon, si Timoteo ay nakabalik na sa amin mula sa inyo at dinala niya sa amin ang mabuting balita ng inyong pananampalataya at pag-ibig, at dahil kayo ay mayroong mabuting alaala sa amin, na palagi kayong nananabik upang kami ay makita kung paanong kami ay nananabik din sa inyo.7 Dahil dito, mga kapatid, kami ay naaliw dahil sa inyo sa lahat ng aming paghihirap at ng aming pangangailangan sa pamamagitan ng inyong pananampalataya8 sapagkat ngayon ay nabubuhay kami kapag kayo ay magpakatatag sa Panginoon.9 Dahil ano ang pasasalamat na maibabalik namin sa Diyos patungkol sa inyo sa lahat ng kagalakan na aming ikinagagalak alang-alang sa inyo sa harapan ng ating Diyos?10 Gabi at araw ay nananalangin kaming lubos upang makita ang inyong mukha at mapunan ang kakulangan ng inyong pananampalataya.11 At ang ating Diyos at Ama mismo at ang ating Panginoong Jesu-Cristo nawa ang papatnubay sa aming daan patungo sa inyo12 at ang Panginoon nawa ang magpalago at lubos na magpasagana sa pag-ibig ninyo sa isa't isa at sa lahat ng mga tao katulad din ng pag-ibig namin sa inyo,13 upang kaniyang patatagin ang inyong mga puso na walang kapintasan sa kabanalan sa harapan ng ating Diyos at Ama sa pagbabalik ng ating Panginoong Jesu-Cristo kasama ang lahat ng kaniyang mga banal.