15 At sinabi niya sa kanila, “Sa inyong paghayo sa buong sanlibutan, ipangaral ninyo ang ebanghelyo sa bawat nilikha.
Matthew 24
31 At susuguin niya ang kaniyang mga anghel na may trumpetang may malakas na tunog at kanilang titipunin ang kaniyang mga pinili mula sa apat na mga hangin, mula sa mga hangganan ng kalangitan hanggang sa mga hangganan nila.
Revelation 14
1 At nakita ko, at narito, ang Kordero ay nakatayo sa bundok ng Zion at ang kasama niya ay ang isangdaan at apatnapu't apat na libo na tinataglay ang pangalan ng kaniyang ama sa kanilang mga noo.2 At narinig ko ang isang tinig mula sa langit na katulad ng tunog ng maraming tubig at katulad ng tunog ng napakalakas na kulog at narinig ko ang mga manunugtog ng alpa sa pagtugtog ng kanilang mga alpa.3 At sila ay umaawit katulad ng isang bagong awit sa harapan ng trono at sa harapan ng apat na buhay na nilalang at ng matatanda. At walang sinuman ang may kakayahan na matutunan ang awit na iyon kundi ang isandaan at apatnapu't apat na libong mga tinubos ni Jesus mula sa daigdig.4 Sila yaong hindi nadungisan ng mga babae sapagkat sila ay mga birhen. Sila yaong mga sumusunod sa Kordero saan man siya pupunta at sila yaong mga tinubos mula sa mga tao, ang unang bunga para sa Diyos at para sa Kordero.5 At walang natagpuang pandaraya sa kanilang mga bibig sapagkat sila ay walang kapintasan sa harapan ng trono ng Diyos.6 At nakita ko ang isa pang anghel na lumilipad sa kalagitnaan ng langit na nagtataglay ng walang hanggang ebanghelyo upang ipahayag sa kanila na mga naninirahan sa daigdig at sa bawat bansa at lipi at wika at bayan,7 na sinasabi sa pamamagitan ng malakas na tinig, “Matakot kayo sa Diyos at luwalhatiin ninyo siya sapagkat dumating na ang oras ng kaniyang paghuhukom at sambahin ninyo siya, na siyang gumawa ng langit at ng lupa at ng dagat at ng mga bukal ng mga tubig.”8 At may isa pang anghel ang sumunod na nagsasabi, “Bumagsak na siya, bumagsak na ang Babilonia, ang dakilang lungsod na iyon dahil ang lahat ng mga bansa ay kaniyang pinainom ng alak ng poot ng kaniyang pakikiapid.”9 At ang pangatlong anghel ay sumunod sa kanila na sa pamamagitan ng malakas na tinig ay sinasabi, “Kung ang sinuman ay sumasamba sa mabangis na hayop at sa kaniyang larawan at tinatanggap ang tatak sa kaniyang noo o sa kaniyang kamay,10 siya rin ay iinom mismo mula sa alak ng poot ng Diyos na ibinuhos na walang halo sa saro ng kaniyang poot, at siya ay pahihirapan sa pamamagitan ng apoy at ng asupre sa harapan ng mga banal na anghel at sa harapan ng Kordero.11 At ang usok ng kanilang paghihirap ay pumapaitaas magpakailan pa man at sila ay walang kapahingahan araw at gabi, sila na ang sinasamba ay ang mabangis na hayop at ang kaniyang larawan at ang sinumang tumatanggap ng tatak ng kaniyang pangalan.”12 Narito ang pagtitiis ng mga banal, narito yaong mga tumutupad sa mga utos ng Diyos at sa pananampalataya kay Jesus.13 At narinig ko ang isang tinig mula sa langit na nagsasabi sa akin, “Isulat mo, ‘Pinagpala ang mga patay, sila na mga namamatay sa Panginoon simula ngayon.’ ” Sinabi ng Espiritu, “Oo, upang sila ay makapahinga mula sa kanilang mga pagpapagal at ang kanilang mga gawa ay sumusunod kasama nila.”14 At nakita ko, at narito, ang isang puting ulap at sa ulap ay may isang nakaupo na katulad ng Anak ng TaoDan 7:13 na mayroong gintong putong sa kaniyang ulo at may isang matalas na panggapas sa kaniyang kamay.15 At isa pang anghel ang lumabas mula sa banal na dako ng templo, na sumisigaw sa pamamagitan ng malakas na tinig sa nakaupo sa ulap, “Gamitin mo ang iyong panggapas at mag-ani ka sapagkat dumating na sa iyo ang oras upang ikaw ay gumapas dahil ang anihin sa lupa ay hinog na.”16 At ginamit niyaong nakaupo sa ulap ang kaniyang panggapas sa lupa at inani ang lupa.17 At isa pang anghel ang lumabas mula sa banal na dako na nasa langit, siya rin ay nagtataglay ng matalas na panggapas.18 At isa pang anghel na siyang may kapamahalaan sa apoy ang lumabas mula sa dambana at siya ay sumigaw sa pamamagitan ng malakas na sigaw sa kaniya na may taglay ng matalas na panggapas, na sinasabi, “Gamitin mo ang iyong matalas na panggapas at tipunin mo ang mga kumpol ng ubas na nasa lupa sapagkat lubos na ang pagkahinog ng mga ubas nito.”19 At ginamit ng anghel ang kaniyang panggapas sa lupa at tinipon ang ubas na nasa lupa at kaniyang inihagis sa malaking pisaan ng ubas ng poot ng Diyos.20 At ang pisaan ng ubas ay niyurakan sa labas ng lungsod at lumabas ang dugo mula sa pisaan ng ubas na hanggang sa mga bokado, na ang lawak ay isang libo at anim na raang estadya°.
