3 Ngunit umakyat si Jesus sa bundok at naupo siya roon kasama ng kaniyang mga alagad.
Luke 11
1 Nangyari habang si Jesus ay nasa isang dako at nananalangin, nang siya ay tumigil, isa sa kaniyang mga alagad ang nagsabi sa kaniya, “Panginoon, turuan mo kami na manalangin katulad din ng pagturo ni Juan sa kaniyang mga alagad.”
Luke 9
10 Pagbalik ng mga apostol, isinalaysay nila sa kaniya ang lahat ng kanilang mga ginawa. At sila ay isinama niya at pumuntang bukod sa isang ilang na dako ng lungsod na tinatawag na Betsaida.
Mark 6
30 At ang mga apostol ay sama-samang nagtipon kay Jesus at ibinalita sa kaniya ang lahat ng kanilang mga ginawa at lahat ng kanilang mga itinuro.31 At sinabi ni Jesus sa kanila, “Halikayo! Kayo lamang, patungo sa isang ilang na dako at magpahinga kayo sandali” dahil sila na dumarating at sila na umaalis ay marami at wala na silang pagkakataong kumain.32 Kaya sila lamang ang umalis na nakasakay sa bangka patungo sa ilang na dako.
Matthew 10
1 At nang matawag na ni Jesus sa kaniya ang kaniyang labindalawang alagad, sila ay binigyan niya ng kapangyarihan sa mga karumal-dumal na espiritu upang palayasin sila, at upang pagalingin ang bawat sakit at bawat karamdaman.2 At ito ang mga pangalan ng labindalawang apostol: Ang una ay si Simon na tinatawag na Pedro at si Andres na kaniyang kapatid, si Santiago na anak ni Zebedeo at si Juan na kaniyang kapatid,3 si Felipe at si Bartolome, si Tomas at si Mateo na maniningil ng buwis, si Santiago na anak ni Alfeo at si Leveo na tinatawag na Tadeo,4 si Simon na Makabayan at si Judas na taga-Keriot na siya ring nagkanulo kay Jesus.5 Ang labindalawang ito ay isinugo ni Jesus at inutusan niya na sinasabi, “Huwag kayong pupunta sa daan ng mga Gentil at huwag kayong papasok sa alinmang lungsod ng mga taga-Samaria.6 Sa halip ay pumunta kayo sa mga nawalang tupa ng sambahayan ni Israel.7 Ngunit sa inyong paghayo ay magpahayag kayo na sinasabi, ‘Ang paghahari ng langit ay malapit na.’8 Pagalingin ninyo ang mga maysakit, linisin ninyo ang mga ketongin, buhayin ninyo ang mga patay at palayasin ninyo ang mga demonyo. Ang tinanggap ninyong walang bayad ay ibigay ninyong walang bayad.9 Huwag kayong mangagbaon ng ginto, kahit pilak, kahit tanso sa inyong mga pamigkis,10 kahit supot sa paglalakbay, kahit dalawang balabal, kahit pangyapak o kahit mga tungkod sapagkat ang manggagawa ay karapat-dapat sa kaniyang pagkain.11 “At saanmang lungsod o bayan kayo papasok, alamin ninyo kung sino ang karapat-dapat at doon kayo manatili hanggang sa kayo ay makaalis.12 At sa pagpasok ninyo sa isang bahay, batiin ninyo ito.13 At kapag ang bahay nga ay maging karapat-dapat, hayaang sumakaniya ang inyong kapayapaan. Ngunit kapag ito ay hindi maging karapat-dapat, hayaang bumalik sa inyo ang inyong kapayapaan.14 At ang sinumang hindi tatanggap sa inyo, ni makikinig sa inyong mga salita, sa inyong paglabas sa bahay o lungsod na iyon ay pagpagin ninyo ang alikabok sa inyong mga paa.15 Katotohanang sinasabi ko sa inyo, magiging mas madaling tiisin sa lupain ng Sodoma at Gomora sa araw ng paghuhukom, kaysa sa lungsod na iyon.16 “Narito, isinusugo ko kayo bilang mga tupa sa gitna ng mga lobo. Kaya maging matalino kayo gaya ng mga ahas at maamo katulad ng mga kalapati.17 Ngunit mag-ingat kayo sa mga tao sapagkat ibibigay nila kayo sa Sanhedrin at hahagupitin nila kayo sa kanilang mga sinagoga18 at dadalhin kayo sa harap ng mga gobernador at mga hari dahil sa akin bilang patotoo sa kanila at sa mga Gentil.19 Ngunit kapag ibinigay nila kayo, huwag kayong mag-alala kung paano o kung ano ang inyong mga sasabihin sapagkat ipagkakaloob sa inyo sa oras ding iyon ang inyong mga sasabihin.20 Sapagkat hindi kayo ang magsasalita kundi ang Espiritu ng inyong Ama ang siyang magsasalita sa ninyo.21 “At ang kapatid ay ipagkakanulo ng kapatid patungo sa kamatayan, ang ama sa anak. At ang mga anak ay maghihimagsik sa mga magulang at ipapapatay sila.22 At kayo ay kamumuhian ng lahat dahil sa aking pangalan. Ngunit siya na nagtiis hanggang sa wakas, siya ay maliligtas.23 Ngunit kapag kayo ay pagmamalupitan nila sa lungsod na ito, tumakas kayo patungo sa iba sapagkat katotohanang sinasabi ko sa inyo, hindi pa ninyo matatapos libutin ang mga lungsod ng Israel hanggang sa makarating ang Anak ng Tao.24 “Ang alagad ay hindi nakakahigit sa kaniyang guro, ni ang alipin ay nakakahigit sa kaniyang panginoon.25 Sapat na sa alagad na maging katulad sa kaniyang guro at ang alipin na katulad sa kaniyang panginoon. Kung ang tawag nila sa may-ari ng sambahayan ay Beelzebub, gaano pa kaya sa kanila na nasa kaniyang sambahayan.26 Kaya huwag kayong matakot sa kanila sapagkat walang anumang natatakpan na hindi mahahayag at natatago na hindi malalaman.27 “Anuman ang sinasabi ko sa inyo sa dilim ay sabihin ninyo sa liwanag at anuman ang naririnig ninyo sa tainga ay ipahayag ninyo sa mga bubungan ng bahay.28 At huwag ninyong katakutan sila na mga pumapatay sa katawan ngunit hindi makakayang pumatay sa kaluluwa. Sa halip ay katakutan ninyo siya na makakayang magpahamak ng kaluluwa at ng katawan sa impiyerno.29 Hindi ba ang dalawang maya ay ipinagbibili ng isang sentimo°? Ngunit ang isa sa kanila ay hindi mahuhulog sa lupa na wala ang inyong Ama.30 At kahit ang mga buhok sa inyong ulo ay nabilang na lahat.31 Kaya huwag kayong matakot, kayo ay higit na mahalaga kaysa sa maraming maya.32 “Kaya ang sinumang maghahayag sa akin sa harap ng mga tao ay ihahayag ko rin sa harap ng aking Ama na nasa langit.33 Ngunit ang sinumang magkakaila sa akin sa harap ng mga tao ay ikakaila ko rin sa harap ng aking Ama na nasa langit.34 “Huwag ninyong isiping ako ay pumarito upang magdala ng kapayapaan sa lupa. Hindi ako pumarito upang magdala ng kapayapaan kundi ng tabak35 sapagkat naparito ako upang ‘maglagay ng hidwaan sa isang lalaki laban sa kaniyang ama, at ang anak na babae laban sa kaniyang ina, at ang manugang na babae laban sa kaniyang biyenang babae.’36 ‘Ang mga kaaway ng isang tao ay sila na nasa kaniyang sambahayan.’ Mik 7:637 Siya na umiibig sa kaniyang ama o ina nang higit sa akin ay hindi karapat-dapat sa akin, at siya na umiibig sa kaniyang anak na lalaki o anak na babae nang higit sa akin ay hindi karapat-dapat sa akin.38 At siya na hindi nagpapasan ng kaniyang krus at sumusunod sa akin ay hindi karapat-dapat sa akin.39 Siya na masusumpungan ang kaniyang buhay ay mawawalan nito at siya na nawalan ng kaniyang buhay alang-alang sa akin ay makakasumpong nito.40 “Siya na tumatanggap sa inyo ay tumatanggap sa akin, at siya na tumatanggap sa akin ay tumatanggap sa kaniya na nagsugo sa akin.41 Siya na tumatanggap sa isang propeta sa pangalan ng propeta ay tatanggap ng gantimpala ng isang propeta at siya na tumatanggap sa isang taong matuwid sa pangalan ng taong matuwid ay tatanggap ng gantimpala ng isang taong matuwid.42 At kung ang sinumang magbigay ng maiinom kahit isang basong malamig na tubig lamang sa isa sa maliliit na ito sa pangalan ng isang alagad, katotohanang sinasabi ko sa inyo, siya ay hinding-hindi mawawalan ng gantimpala.”
