Tyhjä hauta

John 20

1 Sa unang araw ng sanlinggo, habang madilim pa, maagang dumating sa libingan si Maria na taga-Magdala. Nakita niya na ang bato ay naialis na mula sa libingan.2 Kaya matulin siyang tumatakbo papunta kay Simon Pedro at sa isang alagad na iniibig ni Jesus. Sinabi niya sa kanila, “Kinuha nila ang Panginoon mula sa libingan at hindi namin alam kung saan nila siya inilagay.”3 Lumabas nga si Pedro at ang alagad na iyon at pumunta sila sa libingan.4 Magkasama ngang tumatakbo nang matulin ang dalawa, ngunit ang alagad na iyon ay higit na mabilis tumakbo kaya nauna siyang dumating kay Pedro sa libingan.5 Nang siya ay yumuko, nakita niya ang mga telang lino na nakalapag, gayunpaman siya ay hindi pumasok.6 Kasunod nga niyang dumating si Simon Pedro. Siya ay pumasok sa libingan at nakita niyang nakalapag ang mga telang lino.7 Nakita rin niya ang panyo na inilagay sa ulo ni Jesus na hindi kasamang nakalapag sa telang lino kundi hiwalay na nakatiklop sa isang dako.8 Nang magkagayon, pumasok din naman ang alagad na iyon na naunang dumating sa libingan. Nakita niya at siya ay nanampalataya9 sapagkat hindi pa nila alam ang Kasulatan, na siya ay dapat bumangon mula sa mga patay.10 Kaya ang mga alagad ay muling umuwi sa kani-kanilang tirahan.11 Subalit si Maria na nakatayo sa labas ng libingan ay tumatangis, at habang siya ay tumatangis, siya ay yumuko at tumingin sa loob ng libingan,12 at nakita niyang nakaupo ang dalawang anghel na nakaputi. Ang isa ay nasa ulunan at ang isa ay nasa paanan ng pinaghimlayan ng katawan ni Jesus.13 Sinabi nila sa kaniya, “Ginang, bakit ka tumatangis?” Sinabi niya sa kanila, “Sapagkat kinuha nila ang aking Panginoon at hindi ko alam kung saan nila siya inilagay.”14 Pagkasabi niya ng mga ito, siya ay tumalikod at nakita niya si Jesus na nakatayo, ngunit hindi niya nakilala na iyon ay si Jesus.15 Sinabi ni Jesus sa kaniya, “Ginang, bakit ka tumatangis? Sino siya na hinahanap mo?” Sa pag-aakalang siya ang hardinero, sinabi niya sa kaniya, “Ginoo, kung ikaw ang kumuha sa kaniya, sabihin mo sa akin kung saan mo siya inilagay at kukunin ko siya.”16 Sinabi ni Jesus sa kaniya, “Maria!” Humarap siya at sinabi sa kaniya, “Rabbi!” na ang ibig sabihin ay guro.17 Sinabi ni Jesus sa kaniya, “Huwag mo akong hawakan sapagkat hindi pa ako nakakaakyat sa aking Ama, ngunit pumunta ka sa mga kapatid ko. Sabihin mo sa kanila, ‘Ako ay aakyat patungo sa aking Ama at inyong Ama, sa aking Diyos at inyong Diyos.’ ”18 Si Maria na taga-Magdala ay pumunta na ibinabalita sa mga alagad dahil nakita niya ang Panginoon at ang mga bagay na sinabi ni Jesus sa kaniya.19 Kaya kinagabihan ng araw na iyon, sa unang araw ng sanlinggo, at nakapinid na ang mga pinto sa pinagtitipunan ng mga alagad, dahil sa takot sa mga Judio, dumating si Jesus at tumayo sa kalagitnaan nila at sinabi sa kanila, “Kapayapaan ang sumainyo.”20 At pagkasabi niya nito, ipinakita niya sa kanila ang kaniyang mga kamay at kaniyang tagiliran, kaya nagalak ang mga alagad nang nakita nila ang Panginoon.21 Muli ngang sinabi sa kanila ni Jesus, “Kapayapaan ang sumainyo. Kung paano ako isinugo ng Ama ay gayundin isinusugo ko kayo.”22 Pagkasabi niya nito, hiningahan niya sila at sinabi, “Tanggapin ninyo ang Banal na Espiritu.23 Ang kaninumang mga kasalanan na inyong ipapatawad ay ipinapatawad iyon sa kanila. Ang kasalanan ninuman na inyong pinananatili ay nananatili.”24 Subalit si Tomas na isa sa labindalawa, na tinatawag na Didymus, ay hindi nila kasama nang dumating si Jesus.25 Kaya sinabi sa kaniya ng ibang mga alagad, “Nakita namin ang Panginoon.” Subalit sinabi niya sa kanila, “Maliban na makita ko ang bakas ng mga pako sa kaniyang mga kamay at maipasok ko ang aking daliri sa bakas ng mga pako at maipasok ko ang aking kamay sa butas ng kaniyang tagiliran, hinding-hindi ako maniniwala.”26 Pagkalipas ng walong araw, ang mga alagad ay nasa loob muli ng bahay at kasama nila si Tomas. Kahit nakapinid ang mga pinto, dumating si Jesus at tumayo sa kalagitnaan nila at sinabi, “Kapayapaan ang sumainyo.”27 Pagkatapos niyaon, sinabi niya kay Tomas, “Ilagay mo ang iyong daliri rito at pagmasdan mo ang aking mga kamay. Ilagay mo ang iyong kamay at ipasok mo sa butas ng aking tagiliran. Huwag kang maging walang pananampalataya, sa halip ay maging mananampalataya ka.”28 Sumagot si Tomas at sinabi sa kaniya, “Ang aking Panginoon at ang aking Diyos!”29 Sinabi ni Jesus sa kaniya, “Tomas, sumampalataya ka dahil nakita mo ako. Pinagpala sila na hindi nakakita ngunit sumampalataya.”30 Kaya nga marami pang ibang mga tanda ang ginawa ni Jesus sa harapan ng kaniyang mga alagad na hindi na naisulat sa aklat na ito.31 Subalit ang mga ito ay isinulat upang kayo ay sumampalataya na si Jesus ay ang Cristo, ang Anak ng Diyos, at upang sa inyong pagsampalataya ay magkakaroon kayo ng buhay sa kaniyang pangalan.